გია ვოლსკი - ოპონენტებს ჩემგან გადაეცით, მოლაპარაკების პერსპექტივა არსებობს - თუ არ მოვლენ, დაამტკიცებენ, რომ არც განმეორებითი და არც რიგგარეშე არჩევნები სააკაშვილის ინტერესებში არ არის

ჩემგან გადაეცით, რომ მოლაპარაკების პერსპექტივა არსებობს. თუ არ მოვლენ მოლაპარაკებაზე, ამით დაამტკიცებენ, რასაც ვამბობდი, რომ არც განმეორებითი, არც რიგგარეშე არჩევნები არ არის სააკაშვილის ინტერესებში, - ასე პასუხობს პარლამენტის პირველი ვიცე - სპიკერი გია ვოლსკი ოპოზიციაში გაკეთებულ განცხადებებს, რომლის თანახმადაც, ვიდრე პოლიტიკური პატიმრები ციხეში რჩებიან, „ქართულ ოცნებასთან“ არავითარ შეთანხმებაზე საუბარი არ იქნება.

მისი თქმით, რეალურად მოლაპარაკების ჩიხში შეყვანა მათ სურთ, ვინც მელიას პატიმრობაში დატოვებას ცდილობენ.

"სწორედ ეს არის იდეა - ჩიხური ვითარების შექმნა,როცა მელია არ აღიარებს კანონს, ამას დემონსტრაციულად აკეთებს, ადვოკატები დემონსტრაციულად ცდილობენ და ითხოვენ, რომ მელია დარჩეს საპატიმროში და ამით შექმნან ჩიხური ვითარება, რათა არ მოხდეს მოლაპარაკების მაგიდასთან მისვლა. მე დეტალებზე საუბრისგან თავს შევიკავებ, მაგრამ ყველა საკითხთან მიმართებაში კომპრომისული ნაბიჯების მოძებნა არის შესაძლებელი, მაგრამ რეალურად არის შექმნილი ასეთი სურათი, რომ ისინი ცდილობენ ჩიხში შეიყვანონ ვითარება. საერთაშორისო თანამეგობრობა და ჩვენ ვცდილობთ, რომ როგორმე ამ ჩიხიდან გამოვიდეთ.

მე ვფიქრობ, რომ სწორედაც მოლაპარაკების ჩიხში შეყვანას ცდილობს ის ხალხი, ვინც ცდილობს, რომ მელია დატოვოს საპატიმროში. მოლაპარაკებას პერსპექტივა არსებობს რა თქმა უნდა, ჩემგან გადაეცით მათ, რომ მოლაპარაკების პერსპექტივა არსებობს. თუ არ მოვლენ მოლაპარაკებაზე, ამით დაამტკიცებენ, რასაც ვამბობდი არჩევნების წინ მეც და ჩემი კოლეგებიც, რომ არჩევნები ზოგადად, თუნდაც რიგგარეშე, თუნდაც განმეორებითი, არ არის სააკაშვილის ინტერესებში, აბსოლუტურად ნათელი გახდა ეს სურათი", - განაცხადა ვოლსკი.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა