როგორ ავითარებს მაკდონალდსი ეკონომიკას და კვების ინდუსტრიას საქართველოში

გასული საუკუნის 40-იან წლებში, კალიფორნიაში, წითელ და თეთრ ფერებში შეღებილ რესტორანს ოქროსფერი თაღები დაუმატეს — მაკდონალდსის სავიზიტო ბარათად ქცეული ეს თაღები 1999 წელს თბილისის მთავარ გამზირზეც გამოჩნდა.

მაშინ ქვეყნისთვის, რომელიც ჯერ კიდევ „სწავლობდა“ დამოუკიდებლობას, მაკდონალდსი რიგითი რესტორანი სულაც არ იყო — ის თავისუფლების სიმბოლოდაც იქცა. მაკდონალდსმა რუსთაველის გამზირზე, სპეციალურად მისთვის შექმნილ გუმბათოვან შენობაში დაიდო ბინა და ამით საფუძველი ჩაუყარა ინოვაციების, ტექნოლოგიური და ეკონომიკური განვითარების უწყვეტ ტრადიციას, რომელიც 22 წელია, გრძელდება.

დღეს საქართველოში მაკდონალდსთან ასოცირდება მრავალმილიონიანი ინვესტიციები, ათობით ათასი კმაყოფილი მომხმარებელი, ათასზე მეტი სამუშაო ადგილი და გამორჩეული დიზაინისა და კონცეფციის 18 რესტორანი 5 ქალაქში. პროგრესი, ხარისხი და მომსახურების მაღალი სტანდარტები კი მისი შეუცვლელი ნიშანია. ამ სტატიაში მოგიყვებით, როგორ აძლიერებს მაკდონალდსი საქართველოს ეკონომიკას.

მაკდონალდსს ეკონომიკის შენებაში განსაკუთრებული წვლილი შეაქვს

მაკდონალდსი საქართველოს ეკონომიკის ერთ-ერთი უმსხვილესი კონტრიბუტორია. 2019 წელს კომპანიამ ბიუჯეტში 19 980 000 ლარი შეიტანა, იმავე წელს, ინვესტიციის ჯამურმა მოცულობამ 14 000 000 ლარი შეადგინა. 2020 წელს კი ორი ახალი რესტორნისთვის 17 380 000 ლარის ინვესტიცია განახორციელა და რაც მთავარია, პანდემიის პერიოდშიც არ შეჩერებულა.

“ქვეყანაში პანდემიით გამოწვეული კრიზისის მიუხედავად, მაკდონალდსი აგრძელებს აქტიურ საქმიანობას. ახალი რესტორნების გახსნით ჩვენ მოვახერხეთ 150-მდე ახალი სამუშაო ადგილის შექმნა. განვახორციელეთ სოლიდური ინვესტიციები. Covid19-ის პირობებში, როდესაც მსოფლიოში გლობალური კრიზისია, ეკონომიკის გაძლიერება ჩვენი ქვეყნისთვის სასიცოცხლო მნიშვნელობას წარმოადგენს; ამიტომ მოხარულები ვართ, რომ საშუალება გვაქვს, ჩვენი წვლილი შევიტანოთ მის განვითარებაში” — ამბობენ მაკდონალდსში, 2021 წელს კი კიდევ ორ მსხვილ პროექტზე მუშაობენ.

პროდუქტის ხარისხის კიდევ უფრო გაუმჯობესების მიზნით, წელს 24 500 000 ლარის საინვესტიციო მოცულობის პურ-ფუნთუშეულის საწარმო აშენდება.

მაკდონალდსი გაფართოებას განაგრძობს

მაშინაც კი, როცა გასულ წელს მთელი მსოფლიო პანდემიის თანმდევმა ეკონომიკურმა კრიზისმა მოიცვა, მაკდონალდსმა შეძლო, თბილისში ორი ახალი ფილიალი გაეხსნა. უახლესი კონცეფციის რესტორნები მომხმარებლებს აღმაშენებლის ხეივანსა და კახეთის გზატკეცილზე მასპინძლობს. ორივე რესტორანში 150-მდე ადამიანია დასაქმებული, დანერგილია ინოვაციური ტექნოლოგიები და ადაპტირებულია შშმ პირებისთვის. აქვეა განთავსებული “მაკკაფეც” და მოქმედებს მაკდრაივის 24-საათიანი სერვისი. 2021 წლისთვის კი კიდევ ერთი ფილიალის გახსნა იგეგმება.

„[2020 წელს] მაკდონალდსი აღმოჩნდა ერთ-ერთი, თუ არა ერთადერთი კომპანია საქართველოში, რომელიც თანაბრად ზრუნავდა ქვეყნის ეკონომიკაზეც, დასაქმებულების ღირსეულ მდგომარეობაზეც და მომხმარებელთა კმაყოფილებაზეც“ — აღნიშნავს მაკდონალდს საქართველოს გენერალური დირექტორი, თენგიზ კაპანაძე.

მაკდონალდსი მუდმივად ვითარდება, ფართოვდება, ნერგავს ახალ ტექნოლოგიებს და კვების ინდუსტრიაში საერთაშორისო სტანდარტებს აწესებს. ის საქართველოში მრავალმილიონიან ინვესტიციებს ახორციელებს და ეკონომიკის განვითარებაში, ახალი სამუშაო ადგილების შექმნაში თუ ღირსეული სამუშაო პირობების დანერგვაში განსაკუთრებულ როლს თამაშობს. მსოფლიო პანდემიის მიუხედავად, კომპანიის მიერ წამოწყებული პროექტები და ახალი რესტორნები კიდევ ერთხელ მიუთითებს მის წვლილზე ქართული ეკონომიკის გაძლიერების საქმეში.

(R)

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ