დავით სერგეენკო - მინუს ხუთი დეპუტატით საპარლამენტო უმრავლესობა არ დაიკარგება, თუმცა, ჯობდა საჯარო სივრციდან არ გაგვეგო და გვცოდნოდა

მინუს ხუთი დეპუტატით საპარლამენტო უმრავლესობა არ დაიკარგება, თუმცა, ჯობდა საჯარო სივრციდან არ გაგვეგო და გვცოდნოდა,- ამის შესახებ ჟურნალისტებთან პარლამენტის ვიცე- სპიკერმა დავით სერგეენკომ განაცხადა, რითაც გიორგი ხოჯევანიშვილის მიერ გუნდის და საპარლამენტო უმრავლესობის დატოვების თაობაზე გავრცელებულ ინფორმაციას გამოეხმაურა.

„ჩემთვის მართალი გითხრათ, მოულოდნელია ეს და მართალი გითხრათ ახლა ვიგებ ამის შესახებ, რაღაც მოარულო დადასტურებელი ინფორმაცია კი გვქონდა, მაგრამ ამ ფორმით პირველად ვიგებ და მოულოდნელია ნამდვილად. სიახლეა ნამდვილად.

თუკი ეს მოხდება, მე უფრო მოლოდინი მექნებოდა, რომ წინასწარ გაევლოთ თავის გუნდში კონსულტაიცები და საჯარო სივრციდან არ გაგვეგო,"- განაცხადა სერგეენკომ.

მისივე თქმით, გახარია მათთვის არც ისე სუსტი კონკურენტი იქნება.

„მე გახარიას პოლიტიკურ გეგმებზე კონკრეტულად არაფერი ვიცი, გახარია ცალსახად კონკურენტი იქნება, არც თუ ისე სუსტი კონკურენტი, რადგან ის დიდი ხნის განმავლობაში იყო პრემიერი და სხვადასხვა სამინისტროს ხელმძღვანელობდა,"- განაცხადა სერგეენკომ.

ცნობისათვის, უმრავლესობის წევრი გიორგი ხოჯევანიშვილი „ქართულ ოცნებას“ ტოვებს. არაოფიციალური ინფორმაციით, ხოჯევანიშვილი ყოფილი პრემიერის, გიორგი გახარიას გუნდს შეუერთდება.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს