თბილისში დოდო და კოტე ხიმშიაშვილების სახელობის ქუჩა გაიხსნა

თბილისის საკრებულოს სახელდებისა და სიმბოლიკის კომისიის ინიციატივით, ჩუღურეთის რაიონში, და-ძმის დოდო და კოტე ხიმშიაშვილების სახელობის ქუჩა გაიხსნა.

როგორც „ინტერპრესნიუსს“ დედაქალაქის საკრებულოდან აცნობეს, ღონისძიებას კულტურისა და ლიტერატურის სფეროს წარმომადგენლები, დოდო და კოტე ხიმშიაშვილების ოჯახის წევრები და ახლობლები, პარლამენტის წევრი რიმა ბერაძე, ქუჩის მცხოვრებლები და სახელდებისა და სიმბოლიკის კომისიის წარმომადგენლები ესწრებოდნენ.

სახელდებისა და სიმბოლიკის კომისიის თავმჯდომარის, მიხეილ ამაშუკელის განცხადებით, სიმბოლურია, რომ დღეს ქართული ენის დღის აღნიშვნასთან ერთად, მწერლების დოდო და კოტე ხიმშიაშვილების სახელობის ქუჩა გაიხსნა.

„მათი მოღვაწეობა ქართული სახელმწიფო ინტერესების ენისა და ღირებულებების დაცვის ნათელი დადასტურებაა. საამაყოა, რომ გვაქვს შესაძლებლობა მონაწილეობა მივიღოთ ისეთ კეთილშობილურ საქმეში, რასაც ჩვენი ღირსეული მამულიშვილების ღვაწლის დაფასება ჰქვია,“-განაცხადა მიხეილ ამაშუკელმა.

როგორც საკრებულოში აცხადებენ, ღონისძიებაზე დამსწრე საზოგადოებას სიტყვით მიმართეს მწერალთა კავშირის თავმჯდომარემ, პოეტმა მაყვალა გონაშვილმა, პარლამენტის წევრმა რიმა ბერაძემ, ასევე მწერლებმა და პუბლიცისტებმა: ვანო ჯაფარიძემ, თამარ შაიშმელაშვილმა, ზაალ ბოტკოველმა, მარი წიკლაურმა, ირმა მალაციძემ და თემურ ჩალაბაშვილმა.

დოდო ხიმშიაშვილი-ვადაჭკორია იყო საბავშვო მწერალი, პროზაიკოსი, საზოგადო მოღვაწე. დაჯილდოებულია, როგორც სახელმწიფო ასევე ლიტერატურული (სულხან საბა ორბელიანის, ილია ჭავჭავაძის, იაკობ გოგებაშვილის და შიო მღვიმელის) სახელობის პრემიებით. მისი ძმა, კოტე ხიმშიაშვილი კი - მწერალი, ავტორი გახმაურებული რომანისა „ჯონქა-ხორნაული“ იბრძოდა საქართველოს დამოუკიდებლობისთვის, დახვრეტილია საბჭოთა ხელისუფლების მიერ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები