ლევან იოსელიანი - ნიკა მელიას ციხეში ყოფნა კიდევ უფრო ართულებს მოლაპარაკების პროცესს

ნიკა მელიას ციხეში ყოფნა კიდევ უფრო ართულებს მოლაპარაკების პროცესს,- ამის შესახებ „მოქალაქეების" ერთ - ერთმა ლიდერმა, პარლამენტის ვიცე-სპიკერმა ლევან იოსელიანმა ჟურნალისტებთან განაცხადა, რითაც სასამართლოს მიერ ნიკა მელიასთან დაკავშირებით გუშინ მიღებულ გადაწყვეტილებას გამოეხმაურა.

მისი თქმით, მას სასამართლოს გადაწყვეტილებასთან დაკავშირებით სხვა მოლოდინი ჰქონდა.

„სამწუხაროდ, ეს მოლაპარაკების პროცესს ხელს არ უწყობს, უფრო მეტიც, კიდევ უფრო ართულებს ამ ამბავს. მე ვთვლი, რომ ნიკა მელიას ციხეში ყოფნით მოლაპარაკების გაგრძელება იქნება კიდევ უფრო რთული, ვიდრე იქნებოდა მისი გარეთ ყოფნის შემთხვევაში. ამიტომ, კიდევ ერთხელ მოვუწოდებ ხელისუფლებას, რომ გაიაზროს ეს ამბავი და მოლაპარაკებით დაასრულოს საბოლოო ჯამში, მითუმეტეს, ისინი ამბობენ, რომ ხელს აწერენ იმ დოკუმენტს, რომელიც დანიელსონმა შესთავაზა ორივე მხარეს. ამ დოკუმენტზე ხელმოწერა ნიშნავს მათ შორის იმას, რომ მელია არ უნდა იჯდეს საპყრობილეში,"- განაცხადა იოსელიანმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა