სქესობრივი თავისუფლებისა და ხელშეუხებლობის წინააღმდეგ მიმართული დანაშაულების საქმეებზე საპროცესო ხელმძღვანელობას სპეციალიზებული პროკურორები ახორციელებენ

საქართველოს პროკურატურის ორგანოებში სქესობრივი თავისუფლებისა და ხელშეუხებლობის წინააღმდეგ მიმართული დანაშაულების საქმეებზე საპროცესო ხელმძღვანელობას სპეციალიზებული პროკურორები ახორციელებენ. ამის შესახებ „ინტერპრესნიუსს“ გენერალური პროკურატურიდან აცნობეს.

როგორც უწყების ინფორმაციაშია აღნიშნული, სპეციალიზებულ პროკურორებს სერტიფიკატები გადაეცათ. ღონისძიებას გენერალური პროკურორი ირაკლი შოთაძე, გენერალური პროკურორის მოადგილე ნათია მერებაშვილი, ევროპის საბჭოს საქართველოს ოფისის ხელმძღვანელი ნატალია ვუტოვა და საქართველოში გაეროს ქალთა ორგანიზაციის წარმომადგენლის მოვალეობის შემსრულებელი თამარ საბედაშვილი ესწრებოდნენ.

ღონისძიების ფარგლებში ხაზი გაესვა სქესობრივი დანაშაულების წინააღმდეგ ეფექტიანი ბრძოლის მნიშვნელობას და ამ მიზნის მისაღწევად სპეციალიზებული კადრების მომზადებას.

როგორც საქართველოს გენერალურმა პროკურორმა ირაკლი შოთაძემ განაცხადა, მსგავსი კატეგორიის სისხლის სამართლის საქმეებზე საქართველოს პროკურატურა უმკაცრეს სისხლის სამართლის პოლიტიკას ახორციელებს. მისივე თქმით, სქესობრივი დანაშაულების საქმეებზე პროკურორების სპეციალიზაცია უწყებას შესაძლებლობას მისცემს გაუმკლავდეს იმ გამოწვევებს, რომლის წინაშეც დღეს დგას.

„ჩვენი მიზანია აღნიშნული კატეგორიის სისხლის სამართლის საქმეებზე საპროკურორო საქმიანობის ხარისხის და ეფექტიანობის ამაღლება და ვფიქრობთ, რომ სპეციალიზაცია ამისთვის გადადგმული მნიშვნელოვანი ნაბიჯია. ამ მიმართულებით, მუშაობა ჩვენს საერთაშორისო პარტნიორებთან მომავალშიც გაგრძელდება“,- აღნიშნა ირაკლი შოთაძემ.

პროკურატურის ცნობით, გენერალურმა პროკურორმა მადლობა გადაუხადა ევროპის საბჭოს და გაეროს ქალთა ორგანიზაციას სქესობრივი თავისუფლებისა და ხელშეუხებლობის წინააღმდეგ მიმართული დანაშაულების თემაზე სპეციალიზაციის განხორციელების მხარდაჭერისთვის.

ევროპის საბჭოს საქართველოს ოფისის ხელმძღვანელის ნატალია ვუტოვას თქმით, მსგავსი სახის სასწავლო მოდული ძალიან მნიშვნელოვანია ევროსაბჭოსთვის.

„ჩვენ არამხოლოდ საერთაშორისო იურიდიული ინსტრუმენტების შემუშავებას ვახდენთ, არამედ ძალზე მნიშვნელოვანია ის, თუ როგორ ხდება პრაქტიკაში აღნიშნული

სამართლებრივი ინსტრუმენტების იმპლემენტაცია. მოხარული ვარ, რომ საქართველოს გენერალური პროკურატურა აქტიურადაა ჩართული განახლების პროცესსა და ტრენინგებში“, - განაცხადა ნატალია ვუტოვამ.

საქართველოში გაეროს ქალთა ორგანიზაციის წარმომადგენლის მოვალეობის შემსრულებლის თამარ საბედაშვილის განცხადებით, სქესობრივი თავისუფლებისა და ხელშეუხებლობის წინააღმდეგ მიმართული დანაშაული არის მნიშვნელოვანი უფლების დარღვევა, რომელთან ბრძოლაც გამოწვევად რჩება.

„მნიშვნელოვანია, რომ გაზრდილი მგრძნობელობით და პროფესიონალიზმით მივუდგეთ სამართალდამცავი ორგანოების წარმომადგენლები ამ საკითხებს“,- აღნიშნა თამარ საბედაშვილმა.

„ოთხდღიანი ინტენსიური სწავლების ფარგლებში, მონაწილეებმა მიიღეს ინფორმაცია სქესობრივი დანაშაულის წინააღმდეგ ბრძოლის საერთაშორისო სტანდარტების, კანონმდებლობის, საგამოძიებო და საპროკურორო მუშაობის სტანდარტების, მსხვერპლზე ორიენტირებული მიდგომების და დაზარალებულთან ურთიერთობის ფსიქოლოგიური ასპექტების თაობაზე. სპეციალიზაციის კურსის ფარგლებში ამ ეტაპზე 59 პროკურორი და პროკურატურის გამომძიებელი გადამზადდა.

საქართველოს პროკურატურაში, ევროპის საბჭოს და გაეროს ქალთა ორგანიზაციის მხარდაჭერით, სქესობრივი თავისუფლებისა და ხელშეუხებლობის წინააღმდეგ მიმართული დანაშაულების თემაზე სპეციალიზაცია დაინერგა. აღნიშნული დანაშაულების საქმეებზე საქართველოს პროკურატურის ორგანოებში საპროცესო ხელმძღვანელობას მიმდინარე წლის 10 აპრილიდან, მხოლოდ სპეციალიზებული პროკურორები და გამომძიებლები ახორციელებენ.

სქესობრივი დანაშაულების წინააღმდეგ ბრძოლა საქართველოს პროკურატურისთვის პრიორიტეტულ მიმართულებას წარმოადგენს. აღნიშნულ თემაზე კვალიფიკაციის ამაღლება მომავალშიც აქტიურად გაგრძელდება“,- ნათქვამია ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება