საქართველოში კორონავირუსის საწინააღმდეგო ვაქცინით 23 493 ადამიანია აცრილი

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის განცხადებით, ბოლო მონაცემებით, ქვეყანაში 23 493 ადამიანია აცრილი.

ამასთან, როგორც გამყრელიძემ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის შემდეგ ბრიფინგზე განაცხადა, ბოლო დღე-ღამეში ვაქცინაცია 1 403-მა ადამიანმა ჩაიტარა.

„დღევანდელი დილის მონაცემებით აცრილია 23 493 ადამიანი, აქედან „ასტრაზენეკათი“ 13 486, „ფაიზერით“ კი 10 007. 24 საათის განმავლობაში აცრილი იყო 1 403, აქედან „ასტრაზენეკათი“ 731, ხოლო „ფაიზერით“ 672“, - განაცხადა გამყრელიძემ.

მისი ინფორმაციით, შემთხვევების მატების გამო ჯანდაცვის სისტემაზე დაწოლა უფრო სერიოზულია. „დაახლოებით 8 694 აქტიური პაციენტია. ძირითადად 50-70%-ში საქმე ეხება „ბრიტანულ შტამს“. მას სწრაფი გავრეცელება ახასიათებს და ერთ-ერთი მიზეზი ეს იყო, რის გამოც პროგნოზი იყო, რომ იქნებოდა ზრდა. ჩვენი მთავარი ამოცნაა, რომ ეს ზრდა იყოს მართვადი“,- განაცხადა გამყრელიძემ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!