ბექა ლილუაშვილი - ნიკანორ მელია ბრალდებულია სახელმწიფო ინსტიტუტების შტურმით აღების ორგანიზებაში, როგორ არის პოლიტპატიმარი აბა?!

ნიკანორ მელია ბრალდებულია სახელმწიფო ინსტიტუტების შტურმით აღების ორგანიზებაში, როგორ არის პოლიტპატიმარი აბა?!- ასე პასუხობს უმრავლესობიდან გასული დეპუტატი ბექა ლილუაშვილი ჟურნალისტების კითხვას, არის თუ არა ნიკა მელია პოლიტიკური პატიმარი.

ამასთან, როგორც ლილუაშვილმა აღნიშნა, დღეს საზოგადოება და პოლიტიკური სპექტრი არის სრულად რადიკალიზებული.

მისი თქმით, ისინი თვალს უწორებენ იმ პრობლემებს, რაც ქვეყანაში არსებობს.

„ხომ გყავთ ნაცნობები, მეგობრები, საახლობლო წრე, რა არის მათი მთავარი ინტერესი, ის არის, რომ დაკავებული იყოს პოლიტიკური სპექტრი იმით, რომ ვერ გაიყონ პარლამენტის სკამები, თუ იმით, რომ მათი ყოველდღიური ცხოვრების პრობლემები იქნას გადაჭრილი?

შეცდომები იყო, მაგალითად, ის რომ დღეს კიდევ გვაქვს საკმაოდ სუსტი სახელმწიფო ინტერესები; ის, რომ დღეს კიდევ ვსაუბრობთ კორუფციაზე; ნეპოტიზმზე და ა. შ. ჩვენ როცა ვიყავით ამ პოლიტიკური პარტიის წევრები, ამ ყველაფერზე ჩვენ ვიზიარებთ პასუხისმგებლობას და ვუსწორებთ ამ პრობლებს თვალს.

სწორედ ამაზე უნდა იყოს ჩვენი როგორც ახალი პოლიტიკური პარტიის და გახარიას გუნდის წარმომადგენლების დღის წესრიგი აწყობილი“, - განაცხადა ლილუაშვილმა.

ცნობისათვის, „ქართული ოცნების“ დეპუტატებმა - გიორგი ხოჯევანიშვილმა, ალექსანდრე მოწერელიამ, ბექა ლილუაშვილმა, შალვა კერესელიძემ, მიხეილ დაუშვილმა და ანა ბუჩუკურმა მმართველი პარტია დატოვეს. ამასთან, ისინი პოლიტიკურ საქმიანობას გიორგი გახარიასთან ერთად გააგრძელებენ.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“