დიმიტრი გვრიტიშვილი - ანა დოლიძის „მუქარა“, რომ სამართლის მიღწევას სტრასბურგის სასამართლოში შეეცდება, ვფიქრობ, უპერსპექტივოა

ვფიქრობ, სასამართლოს გადაწყვეტილება კანონიერი და დასაბუთებულია და ანა დოლიძის „მუქარა“, რომ სამართლის მიღწევას სტრასბურგის სასამართლოში შეეცდება, ვფიქრობ, უპერსპექტივოა, - ასე აფასებს იუსტიციის უმაღლესი საბჭოს მოსამართლე წევრი დიმიტრი გვრიტიშვილი - სამივე ინსტანციის სასამართლოს გადაწყვეტილებას, რომლის თანახმადაც, საბჭოს ყოფილი არამოსამართლე წევრის, მოძრაობა „ხალხისთვის“ ლიდერის ანა დოლიძის სარჩელი მასთან მიმართებით არ დაკმაყოფილდა და დავა სამივე ინსტანციის სასამართლოში დასრულდა.

როგორც დიმიტრი გვრიტიშვილმა განმარტა, მაშინ მან განცხადებები ანა დოლიძის „ცილისმწამებლური კამპანიის საპასუხოდ გააკეთა, როგორც ადამიანის, მოქალაქის გამოხატვის თავისუფლების ფარგლებში“. აქედან გამომდინარე, დიმიტრი გვრიტიშვილის განმარტებით, სასამართლოს გადაწყვეტილებები შეესაბამება, როგორც საქართველოს კონსტიტუციას, ასევე მის საფუძველზე მიღებულ კანონდებლობას.

რაც შეეხება ანა დოლიძის განცხადებას, რომლის მიხედვით, მოსამართლის აცილების თაობაზე მისი მოთხოვნა არ დაკმაყოფილდა, დიმიტრი გვრიტიშვილი განმარტავს, რომ ამის არანაირი საფუძველი არ არსებობდა.

„გაურკვეველი და დაუსაბუთებელი მოსაზრების გამო, თუნდაც მხარის მიერ გამოთქმული უნდობლობისა და კრიტიკული დამოკიდებულების გამო საქმისგან მოსამართლის ჩამოცილება არ ხდება. ის ფაქტი, რომ ანა დოლიძემ გარკვეული კრიტიკული შეფასება გამოხატა, თუნდაც ერთი მოსამართლის მიმართ, ვერ გახდება ვერც ერთი მოსამართლის აცილების საფუძველი იმ მარტივი მიზეზის გამო, რომ ანა დოლიძემ მთელი თავისი „მოღვაწეობის“ ფარგლებში თითქმის ყველა მოსამართლეს მიაყენა შეურაცხყოფა, ყველა მოსამართლის საქმიანობას უარყოფითად აფასებდა. ამიტომ, ვფიქრობ, რომ ამ შემთხვევაში აცილების არანაირი საფუძველი არ არსებობდა. ამ კუთხითაც საქართველოს უზენაესმა სამართლომ საქმე პროცედურის სრული დაცით განიხილა“, - აცხადებს გვრიტიშვილი.

შეგახსენებთ, იუსტიციის უმაღლესი საბჭოს ყოფილ და მოქმედ წევრებს შორის სამართლებრივი დავა მას შემდეგ დაიწყო, რაც საბჭოს წევრმა დიმიტრი გვრიტიშვილმა ანა დოლიძე რუსეთის ინტერესების გამტარებელ ორგანიზაციაში მუშაობაში დაადანაშაულა. გვრიტიშვილის თქმით, ანა დოლიძე 2008 წლის ომის შემდეგ მოსკოვში იმყოფებოდა და მუშაობდა რუსული ორგანიზაციისთვის, ანა დოლიძემ კი სასამართლოს მეშვეობით ამის უარყოფა მოითხოვა. ფაქტების უარყოფის მოთხოვნით სამწლიანი სამოქალაქო დავა სამივე ინსტანციის სასამართლოში დასრულდა. ანა დოლიძის სარჩელი სასამართლოს არცერთმა ინსტანციამ არ დააკმაყოფილა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება