პაატა ტრაპაიძე - მაჭავარიანის ქუჩაზე მეწყერსაშიშ ფერდობზე 2-3 კვირაში კვლევები უნდა ჩატარდეს, რომელიც დაგვანახებს, რა ღონისძიებების დასახვა შეიძლება დროებითი სტაბილიზაციის გრძელვადიანში გადატანისთვის

„კავკასუს როუდ პროჯექტის“ დამფუძნებლის, პაატა ტრაპაიძის განცხადებით, მაჭავარიანის ქუჩაზე მეწყერის მოძრაობა პრაქტიკულად შეჩერებულია და მოსახლეობის ევაკუაცია ამ ეტაპზე არ განიხილება.

როგორც ტრაპაიძემ გერმანელ ექსპერტებთან ერთად ტერიტორიის დათვალიერების შემდეგ ჟურნალისტებს განუცხადა, მომდევნო 2-3 კვირის განმავლობაში ჩატარდება დამატებითი კვლევები, რათა გრძელვადიანი სტაბილიზაციისთვის შესაბამისი ღონისძიებები დაიგეგმოს.

„გადაუდებელმა ღონისძიებება მოიტანა სტაბილიზაცია. დღეს მეწყერის მოძრაობა პრაქტიკულად გაჩერებულია და ამჟამად მილების უსაფრთხოებაც დაცულია. ასევე, გადაუდებელი ევაკუაციის გეგმა და სხვა რამე ღონისძიებები, რაც ადამიანის საფრთხესთანაა დაკავშირებული, არ განიხილება.

ამჟამად ბევრი კვლევა მიმდინარეობს და ასევე ბევრი კვლევა უნდა ჩატარდეს მომდევნო 2-3 კვირაში, რომელიც საშუალებას მოგვცემს, დავინახოთ, რა ღონისძიებების დასახვა შეიძლება დროებითი სტაბილიზაციის გრძელვადიან სტაბილიზაციაში გადატანისთვის“, - განაცხადა პაატა ტრაპაიძემ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს