გიგა ბოკერია - გიორგი მუმლაძეს ბრალის წაყენებას უპირებენ, არის რისკი, პატიმრობაში დატოვონ, თუ ასე მოხდება, ის კიდევ ერთი პოლიტპატიმარი იქნება ივანიშვილის რეჟიმის ხელში

სამოქალაქო აქტივისტს, გიორგი მუმლაძეს სისხლის სამართლის ბრალის წაყენებას უპირებენ. არის რისკი, რომ პატიმრობაში დატოვონ , - ამის შესახებ „ევროპული საქართველოს“ თავმჯდომარემ, გიგა ბოკერიამ ბრიფინგზე განაცხადა.

როგორც გიგა ბოკერია განმარტავს, თუ გიორგი მუმლაძეს პატიმრობაში დატოვებენ, ის „კიდევ ერთი პოლიტპატიმარი იქნება ბიძინა ივანიშვილის რეჟიმის ხელში“.

„საზოგადოებამ მიიღო ინფორმაცია, რომ სამოქალაქო აქტივისტების ჯგუფის ერთ-ერთი გამორჩეული წარმომადგენელი, ილიას სახელმწიფო უნივერსიტეტის არჩეული პროფესორი გიორგი მუმლაძე დაკავებულია. დაკავებულია უბრალოდ ადმინისტრაციულით კი არა, რასაც ჩვენ მიჩვეულები ვართ, მას სისხლის სამართლის ბრალის წაყენებას უპირებენ. არის რისკი, რომ პატიმრობაში დატოვონ. თუ ეს ასე მოხდება, პირდაპირ შეიძლება ითქვას, რომ ბატონი მუმლაძე იქნება კიდევ ერთი პოლიტპატიმარი ბიძინა ივანიშვილის რეჟიმის ხელში.

ჩვენ, მთელი ეს პერიოდი ვხედავდით, რომ ეს ადამიანი და მისი თანამოაზრეები ყველაზე აქტიური ჯგუფი იყო, რომელიც ყველაზე რთულ პერიოდში გამოხატავდა სამოქალაქო პროტესტს. მე, როგორც მოქალაქე, მათი მადლიერი ვარ“, - აცხადებს ბოკერია.

ცნობისთვის, გიორგი მუმლაძე "ქართული ოცნების" ოფისთან აქციაზე დააკავეს. შსს-ს ინფორმაციით, გიორგი მუმლაძე პოლიციის თანამშრომლების მიმართ წინააღმდეგობისა და ფიზიკური შეურაცხყოფის ბრალდებით არის დაკავებული.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს