შს სამინისტროსთან მოძრაობა „საქართველოს“ წევრები გიორგი მუმლაძის დაკავებას აპროტესტებენ

ორთაჭალაში, შინაგან საქმეთა სამინისტროსთან ,,მოძრაობა საქართველოსთვის” ორგანიზებით საპროტესტო აქცია მიმდინარეობს. აქციის წევრები დღეს ,,ქართული ოცნების” ოფისთან სამოქალაქო აქტივისტის გიორგი მუმლაძის დაკავებას აპროტესტებენ.

აქტივისტების განცხადებით, გიორგი მუმლაძე დაკავებისას თავს იცავდა და მოუწოდებენ ხელისუფლებას, რომ მუმლაძე გაათავისუფლონ, წინააღმდეგ შემთხვევაში პროტესტის სხვადასხვა მეთოდებს აირჩევენ.

,,დღეს ჩვენ ვაპროტესტებთ გიორგი მუმლაძის დაკავებას, იცით, რომ ,,ქართული ოცნების” ოფისთან ხუთი აქტივისტი დააკავეს, მათ შორის ,,მოძრაობა საქართველოსთვის” ლიდერს წაუყენეს სისხლის სამართლის საქმე და ედავებიან პოლიციელის კბენას. მთელმა საზოგადოებამ ნახა პოლიცია როგორ ძალადობდა და როგორ ძალადობს გიორგი მუმლაძეზე. მას ფიზიკურად უსწორდებიან ხოლმე და ყველას გვაქვს თავის გადარჩენის ინსტინქტი, ამ შემთხვევაშიც გიორგი მუმლაძემ დაიცვა თავი, რადგან მას შსს-ს თანამშრომლები ახრჩობდნენ. მოვუწოდებთ ხელისუფლებას, რომ გიორგი მუმლაძე მალე გათავისუფლდეს, წინააღმდეგ შემთხვევაში პროტესტის სხვადასხვა მეთოდებს ავირჩევთ”, - აღნიშნა "მოძრაობა საქართველოსთვის” ერთ-ერთმა ლიდერმა, ვანო მაღალაშვილმა.

შეგახსენებთ, შსს-ს ინფორმაციით, "ქართული ოცნების“ ოფისთან გამართულ აქციაზე, ერთი პირი, გიორგი მუმლაძე პოლიციის თანამშრომლების მიმართ წინააღმდეგობისა და ფიზიკური შეურაცხყოფის ბრალდებით დააკავეს. შსს-ს ცნობით, დანაშაული 2-დან 5 წლამდე ვადით თავისუფლების აღკვეთას ითვალისწინებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!