სერგი კაპანაძე - გიორგი გახარიას მუქარა, რომ ოპონენტებს პოლიტიკურად დაასრულებდა, წარუმატებელი აღმოჩნდა, დღეს სად არის? - გაუგებარი მომავალი აქვს

პოლიტიკოს სერგი კაპანაძის განცხადებით, ყოფილი პრემიერ - მინისტრის გიორგი გახარიას განცხადება, რომ ის ოპოზიციას დაასრულდება წარუმატებელი აღმოჩნდა.

როგორც მან „პალიტრანიუსის“ გადაცემა „360 გრადუსში“ განაცხადა, გახარიას გამოჩენა პოლიტიკურ სცენაზე „ქართული ოცნებისთვის“ პრობლემა იქნება.

„წარუმატებელი აღმოჩნდა ეგ მუქარა. პრემიერ-მინისტრი იყო „ცხენზე იჯდა, ამხედრებული იყო“, იგულისხმა, რომ პოლიტიკურ ოპონენტებს პოლიტიკურად დაასრულებდა. დღეს სად არის?! ხელისუფლებაშია? თვითონ როგორც ამბობს, ოპოზიციაშია და გაუგებარი მომავალი აქვს, ვინ როგორ დაამთავრა ოპოზიცია გაუგებარია. თუ ვინმეს ჰგონია, რომ წარმატებული მუქარა იყო და წარმატებულ მაგალითად გამოდგება ძალიან ცდება“,- აცხადებს სერგი კაპანაძე.

როგორც სერგი კაპანაძე დასძენს, პარტიაში მიმდინარე რყევების შემდეგ „ნორმალური ხელისუფლება ხალხს ჰკითხავდა, გინდა თუ არა დავრჩე ხელისუფლებაში“.

„ლეგიტიმაციის კრიზისი, რომელიც აქვს ამ ხელისუფლებას, ახლა უფრო ღრმაა. ისინი ხელისუფლებაში მოვიდნენ ბიძინა ივანიშვილით და გიორგი გახარიათი, წავიდა გახარია, მათი პრემიერ-მინისტრი, თან გაიყოლა რაღაც მოწონება და ხმების მხარდაჭერა, ახლა პარლამენტში გამოეყოთ ჯგუფი. ეს ყველაფერი იმას ნიშნავს, რომ ახალი არჩევნების დროა, არ შეიძლება ასეთი უზარმაზარი რყევის შემდეგ, სულ რომ არჩევნების ლეგიტიმურობას, გაყალბებას, სხვა საკითხებს თავი დავანებოთ, ასეთი რყევის შემდეგ, წესით ყველა ნორმალური ხელისუფლება ხალხს ჰკითხავდა, გინდა თუ არა დავრჩე ხელისუფლებაში“,-აცხადებს კაპანაძე.

ცნობისთვის, "ქართული ოცნება" ექვსმა დეპუტატმა დატოვა, რომლებიც გიორგი გახარიას გუნდს უერთდებიან, პარლამენტში კი, დამოუკიდებელი დეპუტატების სტატუსით გააგრძელებენ საქმიანობას.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს