დროებითი მოთავსების იზოლატორთან მოძრაობა "საქართველოსთვის" წევრებმა დაკავებული აქტივისტის გიორგი მუმლაძის მხარდამჭერი აქცია გამართეს

ზაჰესში, შსს-ს დროებითი მოთავსების იზოლატორთან მოძრაობა "საქართველოსთვის” წევრებმა სამოქალაქო აქტივისტის, გიორგი მუმლაძის მხარდამჭერი აქცია გამართეს.

აქტივისტების განცხადებით, გიორგი მუმლაძეზე ძალადობა ბევრჯერ განხორციელდა და სახელმწიფო ინსპექტორის სამსახურმა შესაძლო ძალადობის ფაქტებზე გამოძიება არასრულფასოვნად აწარმოა.

,,ივანიშვილის რეჟიმი გადავიდა რეპრესიების მორიგ ტალღაზე და აქტივისტებს აკავებენ უკვე სისხლის სამართლებრივი წესით. გიორგი მუმლაძე ამ სისტემას ამოღებული ჰყავს მიზანში, მასზე ბევრჯერ განხორციელდა ძალადობა და სახელმწიფო ინსპექტორის სამსახურმა შესაძლო ძალადობის ფაქტებზე გამოძიება არასრულფასოვნად აწარმოა, რამაც ხელფეხი გაუხსნა კრიმინალებს, რომლებიც პოლიციის ფორმაში არიან გახვეულები და თითქოს სამართალდამცავებს წარმოადგენენ. ადამიანები, რომლებიც ჩვენ უნდა გვიცავდნენ, ძალადობენ ჩვენზე და ივანიშვილის რეჟიმმა გადაწყვიტა დიქტატურა დაამყაროს ჩვენი თავისუფლების შეზღუდვის ხარჯზე”, - აღნიშნა ალიკა კუპრავამ.

შეგახსენებთ, ,,მოძრაობა საქართველოსთვის” ლიდერი, გიორგი მუმლაძე „ქართული ოცნების“ ოფისთან გამართულ აქციაზე, პოლიციის თანამშრომლების მიმართ წინააღმდეგობისა და ფიზიკური შეურაცხყოფის ბრალდებით დააკავეს.

უწყების ინფორმაციით, გამოძიებით დადგინდა, რომ მიმდინარე წლის 14 აპრილს, პარტია „ქართული ოცნების“ ოფისთან მიმდინარე აქციაზე, გიორგი მუმლაძემ პოლიციის თანამშრომლებს, სამსახურებრივი მოვალეობის შესრულებისას წინააღმდეგობა გაუწია და ფიზიკური შეურაცხყოფა მიაყენა.

იხილეთ ვიდეო:დროებითი მოთავსების იზოლატორთან მოძრაობა "საქართველოსთვის" წევრებმა დაკავებული აქტივისტის გიორგი მუმლაძის მხარდამჭერი აქცია გამართეს

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს