ინსპექტორის სამსახური - სამხარაულის სახელობის ექსპერტიზის ბიუროსთან თანამშრომლობა ხელს შეუწყობს არსებული გამოწვევების დაძლევას

სახელმწიფო ინსპექტორი ლონდა თოლორაია სსიპ - ლევან სამხარაულის სახელობის სასამართლო ექსპერტიზის ეროვნული ბიუროს უფროსს მამუკა ჯანგულაშვილს შეხვდა. ამის შესახებ ინფორმაციას სახელმწიფო ინსპექტორის სამსახური ავრცელებს.

მათივე ცნობით, შეხვედრას სახელმწიფო ინსპექტორის პირველი მოადგილე გიორგი გამეზარდაშვილი და სახელმწიფო ინსპექტორის მოადგილე სალომე ბახსოლიანი ესწრებოდნენ.

შეხვედრის მიზანი სამსახურებს შორის კოორდინირებული საქმიანობის ხელშეწყობა და პრაქტიკაში არსებული გამოწვევების დაძლევის პერსპექტივების განხილვა იყო. მხარეებმა იმსჯელეს უწყებებს შორის თანამშრომლობაზე, როგორც საგამოძიებო ასევე, პერსონალურ მონაცემთა დაცვის მიმართულებით.

ლონდა თოლორაიამ აღნიშნა, რომ ექსპერტიზის დასკვნების მაღალი სანდოობის უზრუნველსაყოფად, სახელმწიფო ინსპექტორის სამსახურის მიერ ყველა სახის ექსპერტიზა მხოლოდ სსიპ ლევან სამხარაულის სახელობის სასამართლო ექსპერტიზის ეროვნულ ბიუროში ინიშნება. სახელმწიფო ინსპექტორმა ხაზი გაუსვა იმ ფაქტს, რომ ბოლო თვეების განმავლობაში საგრძნობლად არის შემცირებული ექსპერტიზის დასკვნების მომზადების ვადები, რაც მნიშვნელოვნად უწყობს ხელს დროული გამოძიების ჩატარებას.

პროგრესის პარალელურად, ყურადღება გამახვილდა გამოწვევებზე - კომისიური სამედიცინო ექსპერტიზის ჩატარების სირთულეებზე და ამ მიმართულებით საკანონმდებლო ცვლილებების საჭიროებაზე, სამედიცინო ექსპერტების არასამუშაო დღეებსა და საათებში ხელმისაწვდომობაზე, ვირუსის გავრცელების პრევენციის მიზნით დაწესებული პროცედურების ფარგლებში სამედიცინო ექსპერტიზის ჩატარების დროულობაზე. მხარეები შეთანხმდნენ უახლოეს მომავალში ბიუროს კონკრეტული სფეროს სპეციალისტების მონაწილეობით ერთობლივი სამუშაო შეხვედრის ჩატარებაზე. ასევე, გამოწვევების დაძლევის მიზნით მჭიდრო თანამშრომლობის პრაქტიკის გაგრძელებაზე.

შეხვედრაზე განხილეს, სევე ექსპერტიზის ეროვნული ბიუროს საქმიანობის პროცესში პერსონალურ მონაცემთა დაცვის მაღალი სტანდარტის უზრუნველყოფის მნიშვნელობა. იმის გათვალისწინებით, რომ ექსპერტიზის ბიურო დიდი მოცულობით პერსონალურ მონაცემებს, მათ შორის, პირის ჯანმრთელობასთან დაკავშირებულ და ბიომეტრიულ მონაცემებს ამუშავებს, მონაცემთა არაკანონიერი დამუშავების პრევენციის მიზნით, უწყებებს შორის კიდევ უფრო მეტი კოორდინაცია აუცილებელია. ადამიანის პირადი ცხოვრებისა და პერსონალური მონაცემების დაცვის უზრუნველყოფის მიზნით, მხარეები ცნობიერების ამაღლების ღონისძიებების ჩატარებაზე და სხვა აქტივობების განხორციელებაზე შეთანხმდნენ.

სახელმწიფო ინსპექტორის სამსახურსა და სსიპ - ლევან სამხარაულის სახელობის სასამართლო ექსპერტიზის ეროვნული ბიუროს შორის ეფექტიანი თანამშრომლობა, მნიშვნელოვნად უწყობს და მომავალშიც შეუწყობს ხელს სამსახურის წინაშე არსებული გამოწვევების დაძლევას“,- ნათქვამია გავრცელებულ ინფორმაციაში.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!