სასამართლო თელავის საავადმყოფოს დირექტორის მკვლელობაში ბრალდებული პოლიციელის საქმესთან დაკავშირებით ნაფიცი მსაჯულების შერჩევის საკითხზე იმსჯელებს

თელავის რაიონული სასამართლო საავადმყოფოს დირექტორის მკვლელობაში ბრალდებული პოლიციელის საქმესთან დაკავშირებით ნაფიცი მსაჯულების შერჩევის საკითხზე იმსჯელებს.

სხდომაზე მოკლული ზურაბ საჩიშვილის ადვოკატი მოსამართლის აცილების საკითხს დააყენებს. ადვოკატი ტარიელ კაკაბაძე აცხადებს, რომ ზურაბ საჩიშვილი და მოსამართლე მეზობლები არიან, მათ წარსულში ახლო ურთიერთობა ჰქონდათ და ობიექტურობიდან გამომდინარე, მოსამართლის აცილების საკითხი უნდა დადგეს.

კაკაბაძის მტკიცებით, საქმე ეხება განზრახ მკვლელობას დამამძიმებელ გარემოებებში, რის დამტკიცებასაც შესაბამისი მტკიცებულებებით აპირებს.

შეგახსენებთ, გასული წლის დეკემბერში, თელავის პოლიციის უფროსის ყოფილმა მოადგილემ ვანო ზანდარაშვილმა თელავის ცენტრალური საავადმყოფოს დირექტორი, 38 წლის ზურა საჩიშვილი ცეცხლსასროლი იარაღიდან გასროლით მოკლა. საქმის ნაფიც მსაჯულებისთვის გადაცემის შუამდგომლობა წინასასამართლო სხდომაზე თავად ბრალდებულმა დააყენა.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს