ალექსანდრე მოწერელია - ყველა კვლევით დასტურდება გახარიას რეიტინგი, ამ მათემატიკაში შესვლას „ქართულ ოცნებას“ არ ვურჩევდი - მანდატების დათმობას არ ვაპირებთ!

ყველა კვლევით დასტურდება გახარიას რეიტინგი, ამ მათემატიკაში შესვლას მათ არ ვურჩევდი - მანდატების დათმობას არ ვაპირებთ, - ამის შესახებ ჟურნალისტებთან "ქართული ოცნებიდან" წასულმა დეპუტატმა ალექსანდრე მოწერელიამ განაცხადა, რითაც მმართველ გუნდში გაკეთებულ განცხადებებს უპასუხა.

მისივე თქმით, აღსანიშნავია ის ფაქტიც, რომ სამივე მაჟორიტარს, რომელმაც გუნდი დატოვა, არჩევნებში პარტიაზე მაღალი შედეგი ჰქონდა.

"პირველ რიგში, აღსანიშნავია, რომ არჩევნების შედეგებს გადავხედოთ. სამივე მაჟორიტარს ჩემი ჩათვლით, პარტიასთან შედარებით, 5-6 პროცენტით მეტი ხმა აქვს აღებული. ასევე, არავინ უარყოფს იმას, რომ ქართველმა ხალხმა ხმა მისცა და ეს ყველა კვლევით, მათ შორის IRI- ის კვლევით დასტურდება გახარიას რეიტინგი, სადაც წამყვანი პოზიციები უჭირავს გიორგი გახარიას, ბიძინა ივანიშვილს, კახა კალაძეს. არავინ უარყოფს ამ რეიტინგებს. ამდენად, ნამდვილად არ ვურჩევდი ამ მათემატიკაში შესვლას, რადგან ეს ალბათ, მომგებიანი ნამდვილად არ იქნება მათთვის. მანდატების დათმობას არ ვაპირებთ,"- განაცხადა მოწერელიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს