ამირან გამყრელიძე - მესამე ტალღას უფრო მომზადებული უნდა დავხვდეთ, როგორც ინფრასტრუქტურულად, ისე ადამიანური რესურსით, რომ ნაკლები დაზიანებით გამოვიდეთ, ვიდრე მეორე ტალღის დროს

სამწუხაროდ, მოიმატებს და უკვე იმატებს შემთხვევები. უკვე მესამე დღეა, 1000-ს გადავაბიჯეთ. შიდა ქართლში ჯერჯერობით არ არის საგანგაშო მაჩვენებელი, ყველაზე მეტი თბილისშია, ასევე აჭარაში და განსაკუთრებით მოიმატა სამეგრელო-ზემო-სვანეთში, მაგრამ, თანდათან, ალბათ ყველგან გვექნება მატება, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ გორში, ადგილობრივ სამედიცინო პერსონალთან შეხვედრისას განაცხადა.

„მეორე ტალღის დროს ძალიან დიდი დაწოლა იყო და პირველ რიგში, მადლობა მინდა გადაგიხადოთ ყველას იმ თავდაუზოგავი შრომისთვის, რასაც კოვიდთან ბრძოლაში, ამ ერთ წელზე მეტი დროის განმავლობაში, ჩვენი კოლეგები ეწევიან.

მნიშვნელოვანი ეტაპი, რაც დაიწყო ქვეყანაში, არის იმუნიზაცია, რომლის გარეშეც ეს ეპიდემია ვერ დამთავრდება და ამაში დაგვჭირდება თქვენი მხარდაჭერა. რადგან „გორმედი“ ერთ-ერთი მთავარი ქსელია შიდა ქართლში, რეგიონში ასევე გვაქვს ჰოსპიტალი, იქაც გახლდით და უკვე შევხვდი სამედიცინო პერსონალს. ქვეყანაში მილიონ შვიდასიათასი ადამიანი მაინც უნდა აიცრას, რომ სტაბილური ვითარების საფუძველი გვქონდეს. თქვენთვის ორი რამ მაქვს სათქმელი - ერთი ის, რომ სამწუხაროდ, მოიმატებს და უკვე იმატებს შემთხვევები, უკვე მესამე დღეა, 1000-ს გადავაბიჯეთ, შიდა ქართლში ჯერჯერობით არ არის საგანგაშო მაჩვენებელი, ყველაზე მეტი თბილისშია, ასევე აჭარაში და განსაკუთრებით მოიმატა სამეგრელო-ზემო-სვანეთში, მაგრამ, თანდათან, ალბათ ყველგან გვექნება მატება. ამ მხრივ გამოცდილება უკვე მიღებულია ჩვენი სამედიცინო ქსელის მიერ და სასურველია, რომ ამ მესამე ტალღას, რომელიც შეიძლება არ იყოს ისეთი მძიმე, როგორიც მეორე იყო, მაგრამ მაინც უფრო მომზადებული უნდა დავხვდეთ როგორც ინფრასტრუქტურულად, ისე ადამიანური რესურსით, რომ ნაკლები დაზიანებით გამოვიდეთ, ვიდრე მეორე ტალღის დროს", - განაცხადა ამირან გამყრელიძემ გორში, სამედიცინო ქსელ ,,გორმედის" პერსონალთან შეხვედრისას.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს