რა თქმა უნდა, როცა პარლამენტში ერთი პარტიის წარდგენით შეხვედი და შემდეგ ამ პარტიის კუთვნილებიდან გადიხარ, პოლიტიკურად ძალიან სწორი და ლოგიკურია, მანდატი დატოვო და საკუთარი რეიტინგი არჩევნებით გაზომო, - ამის შესახებ „ქართული ოცნების" დეპუტატმა დავით მათიკაშვილმა ყოფილი თანაფრაქციელის, უმრავლესობიდან გასული დეპუტატების მისამართით განაცხადა.
მათიკაშვილის თქმით, სჯობს, ჯერ პარტია შეიქმნას და პარლამენტში შესვლას ყველა საკუთარი პარტიით ეცადოს.
„საპარლამენტო არჩევნები ყველაზე კარგი ინდიკატორია იმისა, თუ როგორ უჭერს საზოგადოემა მხარს ამა თუ იმ პარტიას. როდესაც პარლამენტში ერთი პარტიის წიაღიდან შემოდიხარ, იმ განცხადებების ფონზე, რაც ჩვენ მოვისმინეთ, ძალიან სწორი და ლოგიკური იქნებოდა, თუ ისინი მანდატებს დატოვებდნენ და საკუთარ რეიტინგს არჩევნებში გამოცდიდნენ", - განაცხადა დავით მათიკაშვილმა.