ვითომ ოპოზიციური მუხტი, რომელიც ხელოვნურად არის შემოტანილი და კიევიდან, "ნაცმოძრაობის" ბელადის მიერ იმართება, ისევე ჩაიფუშება, როგორც არ გამოვიდა არაფერი დესტრუქციული, რაც 2012 წლიდან "ნაციონალური მოძრაობის" მიერ დაიგეგმა, - ამის შესახებ დეპუტატმა დავით მათიკაშვილმა 15 მაისს დაგეგმილი აქციის კომენტირებისას განაცხადა.
მათიკაშვილის თქმით, "ოპოზიცია ვერ შეასრულებს მიზნებს, რაც მას გააჩია".
"საზოგადოების დაკვეთა არ არის ის, როგორც დღეს ოპოზიცია იქცევა. ეს მათივე ამომრჩევლის დაკვეთა არ არის. საზოგადოების პირდაპირი დაკვეთაა ეკონომიკური გაჯანსაღება და ეკონომიკური წინსვლა. საზოგადოების დაკვეთაა ყველა პოლიტიკურმა ძალამ საკუთარი ვალდებულებები შეასრულოს. ოპოზიციას ჰგონია, რომ მას პასუხისმგებლობა საერთოდ არ გააჩნია, რაც არის სიცრუე და ტყუილი. ოპოზიცია დემოკრატიის ნგრევას უნდა მოეშვას, რასაც ის დღემდე აკეთებს", - განაცხადა დავით მათიკაშვილმა.