სალომე სამადაშვილი - უღრან ტყეში ვართ და ამ ტყიდან გასვლის გზას შეთანხმება უფრო მარტივად დასახავს - დავუჭერ მხარს მხოლოდ იმ შეთანხმებას, რომელშიც მიშელთან შეთანხმებულ 5 პუნქტთან დაკავშირებით უნდა იყოს შემოთავაზება

უღრან ტყეში ვართ, ამ უღრანი ტყიდან გასვლის გზას პოლიტიკური შეთანხმება უფრო მარტივად დასახავს, - ამის შესახებ „ნაციონალური მოძრაობის“ ერთ-ერთმა ლიდერმა სალომე სამადაშვილმა ტელეკომპანია „პალიტრანიუსის“ გადაცემაში „360 გრადუსი“ განცხადა.

როგორც სალომე სამადაშვილი განმარტავს, მას არ აქვს ინფორმაცია, რომელიც იმედს მისცემდა ოპოზიციასა და ხელისუფლებას შორის შეთანხმების შესაძლებლობაზე.

„მე დღეს არანაირი მოცემულობა არ მაქვს, გესაუბროთ რაიმე შეთანხმების შესაძლებლობაზე. არ მაქვს ინფორმაცია, რომელიც დამაიმედებდა, რომ შეთანხმება შესაძლებელია.

ჩვენ ახლა ისეთ მდგომარეობაში ვართ სოციალური, ეკონომიკური, უსაფრთხოების გამოწვევების თვალსაზრისით, რომ მართლა უღრან ტყეში ვართ. ამ უღრანი ტყიდან ქართველი ხალხი აუცილებლად გაიკაფავს გზას და გავა სინათლისკენ. პოლიტიკური შეთანხმება ამას უბრალოდ გაამარტივებს. უფრო მარტივად დასახავს ამ უღრანი ტყიდან გავლის გზას. ამიტომ ვარ შეთანხმების მომხრე“, - აცხადებს სალომე სამადაშვილი.

სალომე სამადაშვილმა, „ქართული ოცნების“ თავმჯდომარის ირაკლი კობახიძის განცხადებაც შეაფასა, სადაც ის აღნიშნავს, რომ მმართველი გუნდი მზადაა, მოლაპარაკების პროცესში გადადგას კონკრეტული ნაბიჯები, მათ შორის კომპრომისის მიმართულებით.

როგორც სალომე სამადაშვილი განმარტავს, პოლიტიკური შეთანხმება კომპრომისულ შეთანხმებასაც ნიშნავს.

მისივე თქმით, პოლიტიკური პატიმრების გათავისუფლება დანარჩენ საკითხებზე საუბარს გაამარტივებდა.

„მე დავუჭერ მხარს მხოლოდ იმ შეთანხმებას, სადაც მიშელთან შეთანხმებული 5 პუნქტთან დაკავშირებით უნდა იყოს რაიმე შემოთავაზება, დიახ, მათ შორის კომპრომისული. ირაკლი კობახიძისგან განსხვავებით კომპრომისი, მე ცუდ სიტყვად არ მიმაჩნია. ძალიან ხშირად ვიყენებ ამ სიტყვას. მათ შორის, პოლიტიკური შეთანხმება ნიშნავს კომპრომისულ შეთანხმებას“,- აცხადებს სამადაშვილი.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია