დიმიტრი ხუნდაძე უმრავლესობიდან წასულ დეპუტატებზე - მათ მიატოვეს გუნდი, ამომრჩეველი, ზოგიერთმა მათგანმა მადლობის თქმაც ვერ მოასწრო, რომ გუნდის წევრები არჩევნებში გვერდში დაუდგნენ

ზოგიერთმა მათგანმა მადლობის თქმაც ვერ მოასწრო იმასთან დაკავშირებით, რომ მომხრეები, გუნდის წევრები და აქტივისტები არჩევნებში გვერდით დაუდგნენ, - ამის შესახებ უმრავლესობის წევრმა დიმიტრი ხუნდაძემ გახარიას გუნდზე საუბრისას ჟურნალისტებთან განაცხადა.

ხუნდაძის თქმით, მისთვის გაურკვეველია, რა შეიცვალა არჩევნებიდან 4 თვეში მათთვის, რომ გუნდის დატოვება გადაწყვიტეს.

"უმრავლესობის დაშლის თეორიული შანსიც კი არ არსებობს, მაგრამ ის, რაც გახარიას გუნდში მოაზრებულმა დეპუტატებმა გააკეთეს, ვფიქრობ, არ არის სწორი გადაწყვეტილება. უბრალოდ, მე მიკვირს, რა ნახეს არჩევნების შემდეგ 4 თვეში იმისთანა, რომ უნდა დატოვონ გუნდი, რომელშიც იყვნენ და რომელთან ერთადაც არჩევნებში გავიდნენ. მათ პრაქტიკულად, არა მხოლოდ გუნდის წინაშე მიიღეს არასწორი გადაწყვეტილება, არამედ ამომრჩევლის წინაშეც. მათ მიატოვეს გუნდი, მიატოვეს ამომრჩეველიც, ზოგიერთმა მათგანმა მადლობის თქმაც ვერ მოასწრო იმასთან დაკავშირებით, რომ მომხრეები, გუნდის წევრები, აქტივისტები მათ არჩევნებში დაუდგნენ და ეს შედეგი იყო უდიდესწილად სწორედ ამ თანადგომით განპირობებული,"- განაცხადა ხუნდაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა