12 ქვეყანა რუსეთს აგვისტოს ომთან დაკავშირებით სტრასბურგის სასამართლოს გადაწყვეტილების სრულად შესრულებისკენ მოუწოდებს

ბულგარეთი, ჩეხეთი, ესტონეთი, ფინეთი, ირლანდია, ლატვია, ლიეტუვა, ნორვეგია, პოლონეთი, რუმინეთი, შვედეთი და უკრაინა საქართველოს მხარდამჭერ განცხადებას ავრცელებენ და რუსეთს საქართველო-რუსეთის აგვისტოს ომთან დაკავშირებით ადამიანის უფლებების ევროპული სასამართლოს გადაწყვეტილების სრულად შესრულებისკენ მოუწოდებენ.

განცხადების ტექსტს ეუთო-ში ნორვეგიის მუდმივი წარმომადგენლობა აქვეყნებს.

„ეს განცხადება გაკეთდა ბულგარეთის, ჩეხეთის, ესტონეთის, ფინეთის, ირლანდიის, ლატვიის, ლიტვის, ნორვეგიის, პოლონეთის, რუმინეთის, შვედეთისა და უკრაინის სახელით. ჩვენ კიდევ ერთხელ ვადასტურებთ სრულ მხარდაჭერას საქართველოს სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში. ყურადღებით ვადევნებთ თვალყურს საქართველოსა და რუსეთის ფედერაციას შორის 2008 წლის აგვისტოს შეიარაღებული კონფლიქტისა და მისი შედეგების შესახებ ადამიანის უფლებათა ევროპული სასამართლოს მიერ მიღებულ განაჩენთან დაკავშირებით განვითარებულ მოვლენებს. ჩვენ სასამართლოს ამ განაჩენს ვაფასებთ როგორც მნიშვნელოვან გადაწყვეტილებას ფაქტების დადგენის, წესებზე დაფუძნებული საერთაშორისო წესრიგისა და იმ ადამიანების ინტერესების დაცვის კუთხით, რომელთა უფლებები და ფუნდამენტური თავისუფლებები დაირღვა და კვლავ ირღვევა რუსეთის ფედერაციის მხრიდან სამხედრო აგრესიის აქტებით და შემდგომ საქართველოს ტერიტორიის მნიშვნელოვანი ნაწილის ოკუპაციით.

მოვუწოდებთ რუსეთის ფედერაციას სრულად შეასრულოს გადაწყვეტილება, მათ შორის შეაჩეროს ადამიანის უფლებების დარღვევები აფხაზეთისა და ცხინვალის / სამხრეთ ოსეთის რეგიონებში, დევნილებს თავიანთ სახლებში უსაფრთხოდ და ღირსეულად დაბრუნების საშუალება მისცეს და უზრუნველყოს სასამართლოს განჩინებაში მითითებული მოვლენების ადეკვატური და ეფექტური გამოძიება. ჩვენ ვთვლით, რომ რუსეთის ფედერაცია ვალდებულია, ასევე გამოიძიოს ადამიანის უფლებების ევროპული კონვენციის ყველა დარღვევა, რომელსაც ადგილი ჰქონდა საბრძოლო მოქმედებების აქტიურ ეტაპზე. გავიხსენებთ ჰოლანდიური ტელევიზიის RTL-ის ოპერატორის, სტანისლაუს სტორიმანსის და სხვა მშვიდობიანი მოქალაქეების ტრაგიკულ გარდაცვალებას, რომლებიც 2008 წლის 12 აგვისტოს, მას შემდეგ, რაც ქართულმა სამხედრო და პოლიციურმა ნაწილებმა ქალაქი დატოვეს, კასეტურ საბრძოლო მასალას ემსხვერპლნენ, ამ ტიპის რაკეტა მხოლოდ რუსული შეიარაღებული ძალებისთვისაა ხელმისაწვდომი”, - აღნიშნულია განცხადებაში.

განცხადება ეუთო-ს მუდმივი საბჭოს სხდომაზე საქართველოს საგარეო საქმეთა მინისტრის მოადგილის სიტყვით გამოსვლის საპასუხოდ გავრცელდა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა