ლევან ვეფხვაძე - უცხოური ინვესტიციების მოზიდვის უმთავრესი პრობლემა მაინც ეროვნული ვალუტის გაცვლითი კურსია

საქართველოს ბიზნეს ასოციაციის აღმასრულებელი გუნდი და სათათბირო საბჭო საერთაშორისო სავალუტო მისიის წარმომადგენლებს შეხვდნენ.

როგორც „ინტერპრესნიუსს“ საქართველოს ბიზნეს ასოციაციიდან აცნობეს, შეხვედრაზე, რომელიც ონლაინ ფორმატში გაიმართა, ასოციაციისა და სავალუტო ფონდის წარმომადგენლებმა ძირითად მაკროეკონომიკურ მაჩვენებლებსა და ქვეყანაში არსებულ ეკონომიკურ ვითარებაზე იმსჯელეს.

ასევე, საუბარი შეეხო ისეთ უმნიშვნელოვანეს საკითხებს, როგორიცაა ეროვნული ვალუტის გაცვლითი კურსი და ინფლაცია, პანდემიის გავლენა ეკონომიკაზე და ვაქცინაციის პროცესის გააქტიურების მნიშვნელობა, ასევე საინვესტიციო პოტენციალსა და რეგულაციების/საგადასახადო ტვირთზე.

„პანდემიის პირობებში, განსაკუთრებით აქტუალურია უცხოური ინვესტიციების მოზიდვა, თუმცა, ამავდროულად, გვაქვს ისეთი გარემო, რომელიც ამ პროცესს ცალსახად აფერხებს. მაგალითად, ვამკაცრებთ კერძო სექტორისთვის და ბიზნეს ოპერატორებისთვის რეგულაციებს, რაც თავის მხრივ, ამცირებს ქვეყნის საინვესტიციო მიმზიდველობას, შედეგად რეგულაციების ტვირთი საქართველოში, ევროკავშირის საშუალოზე მაღალიც კია. მაგრამ უცხოური ინვესტიციების მოზიდვის უმთავრესი პრობლემა მაინც ეროვნული ვალუტის გაცვლითი კურსია, რადგან უცხოურ ვალუტაში განხორციელებული ინვესტივია და ლარში მიღებული უკუგება საინვესტიციო პროექტების ფინანსურ ნაკადებს განჭვრეტადობას უკარგავს. შესაბამისად, სავალუტო ფონდის წარმომადგენლებს გავუზიარეთ ჩვენი ხედვები გაცვლითი კურსის პრობლემასა და მარეგულირებელ გარემოზე, რომელთა მოწესრიგების გარეშე ეკონომიკის სწრაფი აღდგენა შეუძლებელი იქნება“, - განაცხადა ასოციაციის აღმასრულებელმა დირექტორმა, ლევან ვეფხვაძემ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“