ბიძინა კულუმბეგოვის განცხადებით, დიაბეტის, არტერიული ჰიპერტენზიის, ნევროლოგიური, სასუნთქი გზების თუ გულ-სისხლძარღვთა დაავადებების მქონე პაციენტების ვაქცინაცია აუცილებელია

ალერგოლოგ-იმუნოლოგის ბიძინა კულუმბეგოვის განცხადებით, დიაბეტის, არტერიული ჰიპერტენზიის, ნევროლოგიური, სასუნთქი გზების თუ გულ-სისხლძარღვთა დაავადებების მქონე პაციენტების ვაქცინაცია აუცილებელია.

როგორც კულუმბეგოვი განმარტავს, რისკის შემცველი დაავადებების მქონე პირებისთვის კოვიდის შეყრის შემთხვევაში სიკვდილობა ასმაგად უფრო დიდია.

„ვაქცინაციის ძირითადი დანიშნულებაა, რომ ავადობა შემცირდეს, ჰოსპიტალურ სექტორზე დაწოლა შემცირდეს და სიკვდილობა შემცირდეს. ადამიანებს, რომელთაც აქვთ რისკის შემცველი დაავადებები, კოვიდის შემთხვევაში სიკვდილობა არის ასმაგად უფრო დიდი, ვიდრე ჯანმრთელი ადამიანის შემთხვევაში. მათი აცრა შეიძლება კი არა, აუცილებელია. დიაბეტი - პირველი და მეორე ტიპი, ასევე არტერიული ჰიპერტენზია, ნევროლოგიური, სასუნთქი გზების თუ გულ-სისხლძარღვთა დაავადებები არის პირდაპირი ჩვენება ვაქცინაციის გამოყენების. ანტიკუაგულანტების გამოყენება არავითარ პრობლემას არ წამოადგენს.

ერთადერთი, არის ის, რომ ინექციის ადგილას შესაძლებელია გაჩნდეს სისხლჩაქცევის ელემენტი მხოლოდ, თუ ანტიკუაგულანტზეა ადამიანი.

დანარჩენი რისკები რაც იყო „ასტრაზენეკასთან“ მიმართებაში, უნდა ვიცოდეთ, რომ პაციენტებთან მიმართებაში, სადაც აღწერილი იყო თრომბოემბოლიური შემთხვევები, რაიმე დაავადება ან რაიმე რისკ ფაქტორი მანამდე საერთოდ არ უვლინდებოდათ“, - განაცხადა კულუმბეგოვმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს