პროფესიული განათლების 2021 წლის ეროვნული ჯილდოს კონკურსი გამოცხადდა

ათასწლეულის ფონდი პროფესიული განათლების 2021 წლის ეროვნული ჯილდოს კონკურსს აცხადებს.

პროფესიული განათლების ეროვნული ჯილდო ათასწლეულის ფონდის ინიციატივითა და საქართველოს განათლებისა და მეცნიერების სამინისტროს ხელშეწყობით, წელს მეოთხედ ტარდება და ტრადიციულად, მისი მხარდამჭერი გუდავაძე - პატარკაციშვილის ფონდია.

წელს კონკურსში ახალი კატეგორიები დაემატა და გამარჯვებულებს დამოუკიდებელი ჟიური ხუთ კატეგორიაში გამოავლენს: წლის პროფესიული საგანმანათლებლო პროგრამა, წლის პროფესიული მომზადების / პროფესიული გადამზადების პროგრამა, წლის პროფესიული განათლების მასწავლებელი, წლის პროფესიული განათლების სტუდენტი და წლის პროფესიული განათლების ბიზნეს პარტნიორი.

ღონისძიებას დაესწრნენ ათასწლეულის ფონდის აღმასრულებელი დირექტორი მაგდა მაღრაძე, ისრაელის ელჩი საქართველოში რან გიდორი, გუდავაძე-პატარკაციშვილის ფონდის გენერალური დირექტორი ზურაბ კერვალიშვილი, საქართველოს პარლამენტის განათლების და მეცნიერების კომიტეტის თავმჯდომარის პირველი მოადგილე გიორგი ამილახვარი, საქართველოს განათლებისა და მეცნიერების სამინისტროს წარმომადგენლები და სხვა მოწვეული სტუმრები.

„მოხარულები ვართ, რომ ჩვენს მიერ ოთხი წლის წინ დაწყებულმა ინიციატივამ, ტრადიციული სახე მიიღო. პროფესიული განათლების ეროვნული ჯილდოს მიზანია პროფესიული განათლების პოპულარიზება, პროფესიული განათლების იმიჯისა და რეპუტაციის ამაღლება, როგორც კერძო სექტორის წარმომადგენლებში, ასევე ზოგადად საზოგადოებაში. დარგში მომუშავე წარმატებული ორგანიზაციების და ადამიანების წარმოჩენით, ვცდილობთ პროფესიული განათლებაში განხორციელებული წარმატებული რეფორმებისა და პრაქტიკის შესახებ, საზოგადოებას მივაწოდოთ ინფორმაცია და პროფესიული განათლების მნიშვნელობისა და პრესტიჟის აღიარებს შევუწყოთ ხელი“, - განაცხადა ათასწლეულის ფონდის აღმასრულებელმა დირექტორმა მაგდა მაღრაძემ.

გუდავაძე-პატარკაციშვილის ფონდი უკვე მეოთხე წელია, რაც პროფესიული განათლების ეროვნულ ჯილდოს აფინანსებს.

„გვიხარია, რომ წლიდან წლამდე იზრდება არა მხოლოდ კონკურსანტების რიცხვი, არამედ იმ ორგანიზაციებისა და დონორების ჩამონათვალი, რომლებიც მხარს უჭერენ პროფესიული განათლების პოპულარიზაციას ქვეყანაში და ამით კიდევ უფრო მეტ მდგრადობას სძენენ პროექტს. ვფიქრობთ, ჯილდო გაუღვივებთ ახალგაზრდებს ინტერესს, რომ დაეუფლონ მოთხოვნად პროფესიებს და დასაქმდნენ წარმატებით. კვალიფიციური კადრი მნიშვნელოვანია ქვეყნის ეკონომიკისა და კონკურენტუნარიანობისთვის. ვიმედოვნებთ, რომ პროფესიულ განათლების განვითარებისთვის, ხელმისაწვდომობისა და ხარისხის ამაღლებისათვის სამინისტრო კიდევ უფრო გააძლიერებს აქცენტს და ჩვენ, კერძო ფონდები, კომპანიები და სხვა დონორები აქტიურად დავუდგებით გვერდში“, - განაცხადა გუდავაძე-პატარკაციშვილის ფონდის დირექტორმა ზურაბ კერვალიშვილმა.

პროფესიული განათლების 2021 წლის ეროვნული ჯილდოსთვის საკონკურსო განაცხადების მიღება უკვე დაიწყო. სააპლიკაციო ფორმის შევსება შესაძლებელია ფონდის ვებ-გვერდზე www.millennium.org.ge. განაცხადის წარდგენის ბოლო ვადაა 2021 წლის 28 მაისი. გამარჯვებულთა ვინაობა პროფესიული განათლების ყოველწლიურ გალა დაჯილდოებაზე გახდება ცნობილი.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება