ბანერისთვის შემოსვლა და დერეფნებში სასეირნოდ სიარული სერიოზულად არ მიმაჩნია, - ასე ეხმიანება პარტია „მოქალაქეების" ერთ - ერთი ლიდერი ლევან იოსელიანი ჟურნალისტებთან „გირჩში" გაკეთებულ განცხადებებს.

იოსელიანი ვარაუდობს, რომ „ქართული ოცნების“ მიერ დანიელსონის წარდგენილ დოკუმენტზე ხელმოწერის შემდეგ, საკუთარ პოზიციას „გირჩიც“ გადახედავს და „გაცნობის გარდა, საპარლამენტო ცხოვრებაშიც ჩაერთვებიან“.

„ასე მგონია, რადგან გასაცნობად სიარულში დიდ აზრს ვერ ვხედავ. თუ პარლამენტში შემოდიხარ, კონკრეტულ საკითხებზე, კანონებზე უნდა იმუშაო და საპარლამენტო ცხოვრებაში მონაწილეობა მიიღო", - განაცხადა იოსელიანმა.

ცნობისათვის, „გირჩის“ ერთ-ერთი ლიდერის, ვახტანგ მეგრელიშვილის განცხადებით, ორშაბათს პარლამენტში მივლენ, თუმცა, ამ ეტაპზე მხოლოდ „გამარჯობას ეტყვიან და გაიცნობენ ადამიანებს".