გურამ მაჭარაშვილი - რასაც ხელს მოვაწერთ, შევასრულებთ - დანიელსონის დოკუმენტში ასახულ ყველა იმ საკითხს, რასაც ჩვენი რუსურსი ჰყოფნის, დავაინიცირებთ და დავიწყებთ მსჯელობას

რასაც ხელს მოვაწერთ, შევასრულებთ - დანიელსონის დოკუმენტში ასახულ ყველა იმ საკითხს, რასაც ჩვენი რუსურსი ჰყოფნის, დავაინიცირებთ და დავიწყებთ მსჯელობას, - ამის შესახებ "ქართული ოცნების" დეპუტატმა გურამ მაჭარაშვილმა ჟურნალისტებს განუცხადა.

„ქართული ოცნების" გადაწყვეტილება, ხელი მოვაწეროთ დანიელსონის მიერ შემოთავაზებულ დოკუმენტს, კიდევ ერთხელ ადასტურებს, რომ „ქართული ოცნება" არის პოლიტიკური ძალა, რომელიც სახელმწიფოებრივად აზროვნებს და მომეტებული პასუხისმგებლობის ფარგლებში ქვეყნისთვის სასარგებლო ნაბიჯებს დგამს. ეს გადაწყვეტილება გააშიშვლებს რადიკალური ოპოზიციის მიზნებს, რომელთაც დოკუმენტზე ხელმოწერა არ სურდათ. ეს არის ნაბიჯი, რომელიც განაიარაღებს ნებისმიერ რადიკალ პოლიტიკოსს, რომლის მიზანია პარლამენტში ოპოზიცია არ შევიდეს და მოხდეს დესტაბილიზაცია", - განაცხადა გურამ მაჭარაშვილმა.

კითხვაზე, თუკი ოპოზიცია დანიელსონის დოკუმენტზე ხელმოწერასა და პარლამენტში შესვლაზე უარს იტყვის, „ქართული ოცნება" აღნიშნულ დოკუმენტში წარმოდგენილ ინიციატივებს ასახავს თუ არა კანონში, მაჭარაშვილმა განაცხადა, რომ "ქართულ ოცნებას" ცალმხრივად არაერთხელ აუღია პასუხისმგებლობა.

„ყველა საკითხს, რასაც ჩვენ ხელს ვაწერთ, აუცილებლად ვასრულებთ. ჩვენი შესაძლებლობების და მომეტებული პასუხისმგებლობის ფარგლებში ყველაფერს გავაკეთებთ, რომ ქვეყანა ჩვენი ამერიკელი და ევროპელი მეგობრების კონსულტაციების შესაბამისად განვითარდეს. საზოგადოება თავად გადაწყვეტს, ვის რა მიზნები ჰქონდა", - განაცხადა „ქართული ოცნების" დეპუტატმა.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია