ნათია თურნავა - ძალიან სასიხარულო შედეგები მივიღეთ მასშტაბური პრივატიზაციის პირველი ეტაპის შემდეგ

ძალიან სასიხარულო შედეგები მივიღეთ მასშტაბური პრივატიზაციის პირველი ეტაპის შემდეგ - 150-ზე მეტი ობიექტი იყო გამოტანილი პარალელურ გამჭვირვალე ელექტრონულ აუქციონებზე და პირველივე აუქციონის შედეგად 109 ობიექტი გაიყიდა, - ამის შესახებ ეკონომიკისა და მდგრადი განვითარების მინისტრმა, ნათია თურნავამ ჟურნალისტებთან საუბრისას განაცხადა.

როგორც ნათია თურნავა განმარტავს, 109 ობიექტის საწყისი ჯამური ღირებულება 40 მილიონი ლარი იყო.

„ძალიან სასიხარულო შედეგები მივიღეთ მასშტაბური პრივატიზაციის პირველი ეტაპის შემდეგ. პირველივე ორკვირიანი აუქციონი რაც გაიმართა, ძალიან წარმატებით დასრულდა.

150-ზე მეტი ობიექტი იყო გამოტანილი პარალელურ გამჭვირვალე ელექტრონულ აუქციონებზე და პირველივე აუქციონის შედეგად 109 ობიექტი გაიყიდა. საწყისი ჯამური ღირებულება ამ 109 ობიექტის იყო 40 მილიონი ლარი. ძალიან მაღალი კონკურენციისა და ინტერესის გამო, ვაჭრობის პროცესში ეს თანხა გაიზარდა 60 მილიონ ლარამდე. მთავარია, რომ ასზე მეტი სხვადასხვა სახელმწიფო ქონება, რომელიც აქამდე გაჩერებული იყო და არ მონაწილეობდა ეკონომიკურ ბრუნვაში, ჩაერთვება, მოიზიდავს ინვესტიციებს და დაასაქმებს ადამიანებს”, - განაცხადა ნათია თურნავამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა