პერსონალურ მონაცემთა დაცვის საკითხებზე სტუდენტების სტატიების კრებულის პრეზენტაცია გაიმართა

სახელმწიფო ინსპექტორის სამსახურისა და საქართველოს ეროვნული უნივერსიტეტი სეუ-ს ურთიერთთანამშრომლობით სტუდენტურ მოხსენებათა კრებულის „პერსონალურ მონაცემთა დაცვის აქტუალური პრობლემები და გამოწვევები“ პრეზენტაცია გაიმართა.

სახელმწიფო ინსპექტორის სამსახურის ცნობით, ღონისძიება სახელმწიფო ინსპექტორმა, ლონდა თოლორაიამ და სეუ-ს ვიცე-რექტორმა ანა ფირცხალაშვილმა გახსნეს.

გამომსვლელებმა სტუდენტებს პროექტში წარმატებული მონაწილეობა მიულოცეს და პერსონალური მონაცემების დაცვის საკითხებით ახალგაზრდების დაინტერესების აუცილებლობაზე ისაუბრეს. ასევე, ხაზი გაუსვეს სახელმწიფო ინსპექტორის სამსახურსა და უმაღლეს საგანმანათლებლო დაწესებულებებს შორის მჭიდრო თანამშრომლობის, ასევე ამ სახის სახელმძღვანელოების მნიშვნელობას.

კრებული სახელმწიფო ინსპექტორის სამსახურისა და საქართველოს ეროვნული უნივერსიტეტი სეუ-ს ესეების კონკურსის ფარგლებში სხვადასხვა უმაღლესი სასწავლებლების სტუდენტების მიერ მომზადებულ 12 ნაშრომს აერთიანებს. ნაშრომები მომზადებულია ისეთ აქტუალურ საკითხებზე, როგორიცაა: დისტანციური სწავლების დროს სტუდენტების პერსონალური მონაცემების დაცვა, დისტანციური სწავლების დროს სკოლის მოსწავლეების პერსონალური მონაცემების დაცვა, COVID-19 პანდემიის პირობებში ჯანმრთელობის შესახებ პერსონალურ მონაცემების დაცვა, COVID-19 პანდემიის პირობებში ონლაინ მომსახურებისას პერსონალური მონაცემების დაცვა, COVID-19 პანდემიის გავლენა მონაცემთა უსაფრთხოებაზე და არასრულწლოვანთა პერსონალური მონაცემების ინტერნეტში გაზიარების საფრთხეები.

ღონისძიებაზე დამსწრე სტუდენტებს პროექტის ფარგლებში დამუშავებული თემების მნიშვნელობასა და ახალგაზრდების როლზე სახელმწიფო ინსპექტორის მოადგილე სალომე ბახსოლიანი და სეუ-ს ვიცე-რექტორი ანა ფირცხალაშვილი ესაუბრნენ.

ღონისძიების დასკვნით ნაწილში სახელმწიფო ინსპექტორმა და სეუ-ს ვიცე-რექტორმა სტუდენტური ესეების კონკურსის წარმატებულ მონაწილეებს სერტიფიკატები გადასცეს.

პერსონალურ მონაცემთა დაცვის მიმართულებით ცნობიერების ამაღლებისკენ მიმართული პროექტების განხორციელებისა და ახალგაზრდების განვითარების ხელშეწყობის მიზნით, უმაღლეს საგანმანათლებლო დაწესებულებებთან თანამშრომლობას სახელმწიფო ინსპექტორის სამსახური მომავალშიც აქტიურად გააგრძელებს.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს