ექიმთა ალიანსის პროფკავშირი - ალექსეი ნავალნის შესაძლოა თირკმლის უკმარისობა დაემართოს, ეს გამოიწვევს მწვავე პათოლოგიას და შეიძლება გულის გაჩერება მოხდეს

პატიმრობაში მყოფი კრემლის კრიტიკოსი ალექსეი ნავალნი თირკმლის უკმარისობის განვითარების რისკის ქვეშ იმყოფება და მისი მხედველობაც უარესდება, - ამის შესახებ ექიმთა ალიანსის პროფკავშირმა განაცხადა, რომლის წარმომადგენლებსაც რუსეთის ხელისუფლება ოპოზიციის აქტივისტებად თვლის.

”მისი მდგომარეობა ნამდვილად კრიტიკულია. ჩვენ ვნახეთ ანალიზები და ისინი ძალიან, ძალიან ცუდია”, - განუცხადა Reuters- ს ექიმთა ალიანსის პროფკავშირების წარმომადგენელმა ალექსანდრა ზახაროვამ.

მისი თქმით, ანალიზების პასუხები ნავალნის ადვოკატების საშუალებით მოიპოვეს.

"კალიუმის დონე და სხვა მაჩვენებლებიც მაღალია, რაც მიუთითებს იმაზე, რომ შესაძლოა მას მალე თირკმლის უკმარისობა დაემართოს. ეს გამოიწვევს მწვავე პათოლოგიას და შეიძლება მოხდეს გულის გაჩერება," - აღნიშნა ზახაროვამ.

შეგახსენებთ, ალექსეი ნავალნიმ, ციხეში საკუთარი ექიმის შეშვების მოთხოვნით, შიმშილობა მარტის ბოლოს დაიწყო.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა