ზაალ უდუმაშვილის განცხადებით, თბილისის მერიის თანამშრომლები 19 აპრილს დაანონსებული შეკრებისთვის რიყის პარკში სცენის მონტაჟის საშუალებას არ აძლევენ

„ერთიანი ნაციონალური მოძრაობის“ ერთ-ერთი ლიდერის ზაალ უდუმაშვილის განცხადებით, თბილისის მერიის თანამშრომლები რიყის პარკში ხვალ დაანონსებული შეკრებისთვის სცენის მონტაჟის საშუალებას არ აძლევენ.

მისივე განმარტებით, ეს მიუთითებს სიტყვისა და გამოხატვის თვისუფლების პირდაპირი შეზღუდვაზე.

„ხვალ ოპოზიცია გეგმავს, რომ რიყის პარკში გამართოს 15 მაისის საორგანიზაციო შეხვედრა, სადაც ჩვენს საზოგადოებას ვამცნობთ, თუ რა გეგმები აქვს ოპოზიციას 15 მაისის აქციასთან დაკავშირებით.

დღეს, როდესაც აქ მოვიდა ჩვენი ტექნიკური ჯგუფი, რომელსაც უნდა დაეწყო სცენის მონტაჟი, სასწრაფოდ გამოცხადდნენ მერიის თანამშრომლები, რომლებმაც განაცხადეს, რომ ჩვენ თურმე, არ გვაქს უფლება აქ სცენა ავაწყოთ. მინდა განვმარტო, რომ ჩვენ გავაგზავნეთ შესაბამისი წერილი თბილისის მერიაში. მიუხედავად იმისა, რომ ჩვენ კანონის მიხედვით არანაირი ვალდებულება არ გვქონდა, რაიმე შეტყობინება გაგვეგზავნა მერიისთვის. იმიტომ რომ, ასეთი შეტყობინებები იგზავნება, მხოლოდ მაშინ როდესაც ფერხდება სატრანსპორტო საშუალებების გადაადგილება. ახლა რიყის პარკში ვიმყოფებით საჯარო სივრცეში, სადაც ნებისმიერ ადამიანს და პოლიტიკურ პარტიას აქვს შეკრების გამართვის უფლება. ამისთვის არანაირი წინასწარი გაფრთხილება არ არის საჭირო. ჩვენ მაინც გავაგზავნეთ წინასწარი წერილი თბილისის მერიაში და განვმარტეთ, რომ ხვალ აქ იგეგმება შეკრება. მიუხედავად ამისა მერიის თანამშრომლები უარს აცხადებენ, რომ დაიწყოს სცენის მონტაჟი. ეს არის სიტყვისა და გამოხატვის თვისუფლების პირდაპირი შეზღუდვა. გასაგებია ხელისუფლებას ძალიან ეშინია 15 მაისის და ყველა უკანონო ქმედებას ჩადის იმისათვის, რომ ეს შეკრება არ გაიმართოს“,- განაცხადა ზაალ უდუმაშვილმა.

მისი თქმით, ოპოზიცია 15 მაისის აქციისთვის აქტიურად ემზადება. ოპოზიციის ლიდერები გასულები არიან რეგიონებში და მართავენ შეხვედრებს.

„მინდა დავარწმუნო საზოგადოებაც და „ქართული ოცნებაც“ 15 მაისის შეკრება აუცილებლად შედგება. ხელისუფლება აუცილებლად დაინახავს ქართველი ხალხის პროტესტს იმ უკანონობაზე, რომელიც ქვეყანაში სუფევს. ასევე, ხვალაც აუცილებლად გაიმართება ეს შეკრება სურს თუ არა ეს თბილისი მერიას და ხელისუფლებას. ასე რომ, ტყუილად ნუ ცდილობენ ხელოვნური ბარიერები შეგვიქმნან“,- აღნიშნა უდუმაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება