გიორგი ვაშაძე - თაკო ჩარკვიანთან კომუნიკაცია მქონდა, დავსხდებით და დეტალურად გავივლით - სამართლიანი არაა იმის თქმა, რომ ახალი დოკუმენტი მნიშვნელოვანი არ არის

„სატრატეგია აღმაშენებლის“ ლიდერმა გიორგი ვაშაძემ მედიატორის ახალ დოკუმენტთან დაკავშირებით, მისი ბლოკის წევრის თაკო ჩარკვიანის პოზიცია განმარტა და აღნიშნა, რომ ჩარკვიანს ცალკე პარტია აქვს და ბუნებრივია, რომ მას შეიძლება განსხვავებული პოზიცია ჰქონდეს.

როგორც ვაშაძემ „პალიტრანიუსის“ გადაცემაში „ნიუსრუმი“ განაცხადა, სამართლიანი არ არის იმის თქმა, რომ ახალი დოკუმენტი მნიშვნელოვანი არ არის და მნიშვნელოვანი ცვლილებები ვერ მოიპოვა ოპოზიციამ, რადგან საკონსტიტუცია ცვლილებების თვალსაზრისითაც ის უპრეცედენტოა.

„ჯერ ერთი, ცალ-ცალკე პარტიებია ეს და მას აქვს საკუთარი მოსაზრება, ისევე როგორც „ძალა ერთობაშიაშიც“ განსხვავებული მოსაზრებაა „რესპუბლიკურ პარტიასა“ და „ნაციონალურ მოძრაობას“ შორის. მე ეს აბსოლუტურად ბუნებრივი მგონია, მე თაკო ჩარკვიანთან გარკვეული კომუნიკაცია, რა თქმა უნდა, მქონდა და დავსხდებით და დეტალურად გავივლით. არ მგონია სამართლიანი, რადიკალურად შევაფასოთ ეს დოკუმენტი, რომ არაფერი არ არის, იმიტომ, რომ ასე არ არის. პრეცედენტები რაც ამ დოკუმენტმა დაამკვიდრა და დააფიქსირა საქართველოში, არ დაფიქსირებულა.

იმავეს ვიტყვი პოლიტპატიმრებზე, საკონსტიტუციო ცვლილებები, რაც ჩვენ წამოვიღეთ, არ მომხდარა საქართველოში არასდროს, ვერ მეტყვით ვერც ერთი ოპოზიციის მუშაობის დროს, მარტო ამ 9 წელში კი არა, წინა 9 წელში და იმის წინა 9 წელშიც. ამიტომ მიხარია მაქსიმალიზმი, ძალიან კარგია, მაგრამ არსებობს ზღვარი. ჩემი აზრით, ჩვენ გარკვეული გამარჯვება მოვიპოვეთ ამაში, „ქართულმა ოცნებამაც“ უნდა იფიქროს, რომ გამარჯვება მოიპოვა, იმიტომ, რომ შეთანხმებისკენ მივდივართ ანუ საქართველომ უნდა გაიმარჯვოს, მაგრამ რაღაც მომენტებში არის, რომ ჩვენ თუ ზღვარს გადავალთ და დასავლეთის მხარდაჭერას დავკარგავთ, თუ ამ დონეზე დავეცით, მე არ მგონია, რომ ეს სწორი სცენარი იყოს,“- განაცხადა ვაშაძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება