რატი იონათამიშვილი - დერეფანში საქმიანობის განხორციელება ძალიან არასერიოზულია - „გირჩის" 7 პუნქტიც დაახლოებით იგივე შინაარსის არის, რაც დერეფანში საქმიანი შეხვედრების გამართვა

დერეფანში საქმიანობის განხორციელება ძალიან არასერიოზულია - „გირჩის" 7 პუნქტიც დაახლოებით იგივე შინაარსის არის, რაც დერეფანში საქმიანი შეხვედრების გამართვა,- ასე ეხმიანება საპარლამენტო უმრავლესობის წევრი რატი იონათამიშვილი ჟურნალისტებთან "გირჩის" გეგმას, მივიდნენ პარლამენტში და გაიცნონ იქ ადამიანები.

მისივე თქმით, თუ მათ სურთ, რომ კონსტრუქციული როლი შეასრულონ ქართულ პოლიტიკაში, სრულფასოვნად უნდა ჩაერთონ საპარლამენტო საქმიანობაში

„რაც შეეხება „გირჩის" გადაწყვეტილებას, მოვიდეს პარლამენტში იმისთვის, რომ დერეფნებში გამართოს შეხვედრა, მე მათ ვურჩევდი, რომ ჩაერთონ სრულფასოვნად საპარლამენტო საქმიანობაში. ეს იქნება მნიშვნელოვანი მათთვის, რომ მათი მხარდამჭერების პოზიციის გაზიარება მოხდეს და ეს იქნება პასუხისმგებლობის აღება. ასე რომ, თუ მათ სურთ, რომ კონსტრუქციული როლი შეასრულონ ქართულ პოლიტიკაში, სრულფასოვნად უნდა ჩაერთონ საპარლამენტო საქმიანობაში. მათ თქვეს, რომ მოვლენ პარლამენტში და დერეფნებში ეცდებიან შეხვედრას, ჩვენ ვთავაზობთ, რომ ჩაერთონ საკომიტეტო საქმიანობაში, სესიაზე მიიღონ მონაწილეობა დებატებში, თუ ამისგან თავს იკავებენ, მაშინ ვფიქრობ, მხოლოდ დერეფანში საქმიანობის განხორციელება ძალიან არასერიოზულია და ამაზე სერიოზულ კომენტარს ვერ გავაკეთებ. მათი 7 პუნქტიც დაახლოებით იგივე შინაარსის არის, რაც დერეფანში საქმიანი შეხვედრების გამართვა“, - განაცხადა იონათამიშვილმა.

ცნობისათვის, „გირჩი" პარლამენტში მისვლას დღეს, დაახლოებით 13:00 საათისთვის გეგმავს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა