ისრაელის ელჩი საქართველოში რან გიდორი აცხადებს, რომ ამ ეტაპზე ისრაელში 1 000 ქართველის დასაქმება იგეგმება, თუმცა, შესაძლოა, დასაქმების კვოტის გაზრდის საკითხიც განიხილონ.

„ჩვენ 1 000 ქართველის კვოტით დავიწყეთ და თუკი პროცესი წარმატებულად და შეუფერხებლად განხორციელდება, შესაძლოა, კვოტის გაზრდის საკითხიც განვიხლოთ“, - უპასუხა ელჩმა „ინტერპრესნიუსის“ შეკითხვას იმასთან დაკავშირებით, იგეგმება თუ არა ისრაელში საქართველოს მოქალაქეების დასაქმების კვოტის გაზრდა.

შეგახსენებთ, ისრაელში დასაქმების მსურველების რეგისტრაცია საქართველოში რამდენიმე დღის წინ დაიწყო.