პარლამენტში კორონავირუსის შიდა გავრცელების შეკავება მოვახერხეთ, - ამის შესახებ საქართველოს პარლამენტის თავმჯდომარემ, არჩილ თალაკვაძემ ბიუროს სხდომაზე განაცხადა.

როგორც თალაკვაძემ აღნიშნა, თანამშრომელთა ნაწილი კვლავ დისტანციურ რეჟიმშია გადაყვანილი, ხოლო დეპუტატები, რომელებსაც კორონავირუსი დაუდასტურდათ, სამუშაო რეჟიმს დაუბრუნდნენ.

„მოხარული ვარ, რომ ჩვენი კოლეგები, რომლებსაც კოვიდ-19-ის ვირუსი ჰქონდათ დაუბრუნდნენ პარლამენტს და სამუშაო ფორმაში არიან. ჩვენ მოვახერხეთ შიდა გავრცელების შეკავება ყველა იმ ღონისძიების გამოყენებით, რომელსაც მივმართეთ, მათ შორის თანამშრომლების დიდი ნაწილი გადავიყავენთ დიტანციურ რეჟიმში. ეს არის კიდევ ერთი მაგალითი, თუ რამდენად ეფექტურია ჯანდაცვის სამსახურების მიერ მოწოდებული რეკომენდაციების ზედმიწევნით შესრულება იმ პერიოდში, როდესაც ვაქცინაცია მიმდინარეობს“, - განაცხადა თალაკვაძემ.

ცნობისთვის, პარლამენტის რამდენიმე დეპუტატს კორონავირუსი დაუდასტურდა.