განახლებულ დოკუმენტზე ხელმოწერის შემდეგ, ჩვენი მხრიდან პირობების მეტი კორექტირება აღარ მოხდება - ჩვენ რაიმე შინაარსობრივ დამატებას არ დავეთანხმებით, - აღნიშნული განცხადება პარლამენტში გამართულ ბრიფინგზე, პარლამენტის თავმჯდომარემ არჩულ თალაკვაძემ გააკეთა.

“ჩვენი მხრიდან პირობებზე მოლაპარაკება ამით დასრულებულია. ოპოზიციას პასუხისმგებლიანი ნაბიჯებისკენ მოვუწოდებთ“, - აღნიშნა არჩილ თალაკვაძემ.

მან დაადასტურა “ქართული ოცნების“ მზაობა, ევროკავშირის მიერ შეთავაზებული დოკუმენტის განახლებულ ვარიანტს მოაწერონ ხელი.

“ხელმოწერაზე პრინციპული მზადყოფნა გვაქვს იმ მოცემულობით, რომ ჩვენი პარტნიორები კიდევ ერთხელ მკაფიოდ დააფიქსირებენ, რომ საპარლამენტო არჩევნები სამართლიანი და დემოკრატიული პრინციპების დაცვით ჩატარდა, როგორც ეს ასახულია ეუთო/ოდირის დასკვნაში და რისთვისაც, ევროსტრუქტურების წარმომადგენლებს ვიწვევთ, ჩაერთონ 2020 წლის საპარლამენტო არჩევნების შეფასების პროცესში პარლამენტში. იმ აუცილებელი პირობით, რომ მომავალში გამოირიცხება ოპოზიციის მხრიდან რომელიმე სისხლის სამართლებრივი საქმის გადასაწყვეტად პოლიტიკური ჩარევა და ნებისმიერ სადავო საქმეს მიეცემა მხოლოდ სამართლებრივი შეფასებები, რისთვისაც ვიწვევთ საერთაშორისო სამართლებრივ ექსპერტებს“, – განაცხადა არჩილ თალაკვაძემ.