ლევან ბოძაშვილი - რაც დრო გავა, სალომე ზურაბიშვილი „ქართულ ოცნებას" აღარ გაუჩუმდება

პრეზიდენტის პოზიცია ამ შემთხვევაში სახელმწიფოებრივია, რაც დრო გავა „ქართული ოცნების“ კრიტიკა მას უფრო და უფრო მოუწევს, - ამის შესახებ უშიშროების საბჭოს მდივნის ყოფილმა მოადგილემ ლევან ბოძაშვილმა ტელეკომპანია „პალიტრანიუსის“ გადაცემა „დღის ნიუსრუმში“ განაცხადა, რითაც მმართველი პარტიისადმი სალომე ზურაბიშვილის კრიტიკას გამოეხმაურა იმასთან დაკავშირებით, რომ “ქართულმა ოცნებამ“ პრეზიდენტის სახელი მასთან შეთანხმების გარეშე გამოიყენა, როცა შეწყალების კონკრეტულ ფაქტს დაუკავშირა“.

ბოძაშვილი ფიქრობს, რომ მმართველი პარტიის კრიტიკის ტენდენცია პრეზიდენტის შემდგომ გამოსვლებში კიდევ უფრო გაძლიერდება.

„პრეზიდენტის პოზიცია ამ შემთხვევაში სახელმწიფოებრივია, გამომდინარე იქიდან, რომ მასთან ევროკავშირის ელჩებს არაერთი აუდიენცია ჰქონდათ. პრეზიდენტის წინაშე დადგა საკითხი, რა უფრო მნიშვნელოვანია: საარჩევნო სისტემის რეფორმა, სასამართლო მართლმსაჯულების სისტემის გაუმჯობესება, თუ მისი პირადი შეხედულებები? მას სწორი პოზიცია აქვს. არის საკითხები, რაზეც პრეზიდენტმა უკან დაიხია და მე მისი მესმის...

რაც შეეხება მმართველი გუნდისადმი განცხადებას, ვფიქრობ, რომ საქართველოს პრეზიდენტს, რაც დრო გავა, მით უფრო და უფრო მოუწევს „ქართული ოცნების“ კრიტიკა. ეს ტენდენცია შემდგომ გამოსვლებში უფრო გაძლიერდება. ბევრი საკითხი, რომელიც პოლიტიკური ხელისუფლების მოსაგვარებელია, საბოლოო ჯამში პრეზიდენტის გადასაწყვეტი არაერთხელ აღმოჩნდა. ვფიქრობ, რომ მომავალშიც არ განახორციელებს თავჩახრილი შეგუებას საკითხების მიმართ, სადაც ჩათვლის, რომ უშუალოდ პრეზიდენტის ინსტიტუტების გამოყენება ხდება, არც „ნაციონალურ მოძრაობას“ და არც „ქართულ ოცნებას" არ გაუჩუმდება“, - განაცხადა ბოძაშვილმა.

გარდა ამისა, უშიშროების საბჭოს მდივნის ყოფილმა მოადგილემ უშუალოდ მედიატორ შარლ მიშელის მიერ მომზადებულ დოკუმენტზეც ისაუბრა და როგორც აღნიშნა, რომ არა ევროკავშირისა და აშშ-ის ძალისხმევა, დოკუმენტს ხელს არც ერთი პოლიტიკური პარტია არ მოაწერდა.

„ესაა ევროკავშირისა და აშშ-ის ძალისხმევის შედეგი, რომ არა ეს ძალისხმევა, დარწმუნებული იყავით, რომ ამ დოკუმენტს ხელს არავინ მოაწერდა. ფაქტია, რომ ევროკავშირიც, საქართველოს მოსახლეობაც, ჩვენ ამ პოლიტიკური პინ-პონგით დავიღალეთ! ყველა ის პარტია, რომელიც ამ დოკუმენტს ხელს არ მოაწერს, ევროპულ მხარდაჭერას დაკარგავს. შეუძლებელია, ევროკავშირმა ამ შეთანხმებაზე მკაცრი მონიტორინგი არ მოახდინოს“, - განაცხადა ბოძაშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა