სუს-ი - საქართველოს წინააღმდეგ მიმართული კიბეროპერაციების ფარგლებში, ცალკეული ქვეყნების სპეციალური სამსახურების მიერ მიმდინარეობდა კრიტიკული ინფორმაციული სისტემების არქიტექტურის შესწავლა

საქართველოს წინააღმდეგ მიმართული კიბეროპერაციების ფარგლებში, მოწყვლადი წერტილების აღმოჩენის მიზნით, ცალკეული ქვეყნების სპეციალური სამსახურების მიერ მიმდინარეობდა კრიტიკული ინფორმაციული სისტემების არქიტექტურის შესწავლა, - ამის შესახებ სახელმწიფო უსაფრთხოების სამსახურის ანგარიშშია აღნიშნული, რომელიც პარლამენტს წარედგინა.

როგორც ანგარიშშია ნათქვამი, გასული წლების განმავლობაში, საჯარო კრიტიკული ინფორმაციული სისტემების მიმართ არაერთი კიბერშეტევა განხორციელდა, მათ შორის, თავდასხმის სამიზნეები გახდნენ საქართველოს პრეზიდენტის ადმინისტრაციის, პარლამენტის, სხვადასხვა სამინისტროს, საკრებულოების, საერთო სასამართლოების, ასევე, მედიაორგანიზაციებისა და სხვა დაწესებულებების ვებგვერდები და ელექტრონული სისტემები.

„საქართველოს წინააღმდეგ მიმართული კიბეროპერაციების ფარგლებში, მოწყვლადი წერტილების აღმოჩენის მიზნით, ცალკეული ქვეყნების სპეციალური სამსახურების მიერ მიმდინარეობდა კრიტიკული ინფორმაციული სისტემების არქიტექტურის შესწავლა. კიბერაქტორები იყენებდნენ დახვეწილ და კარგად შენიღბულ მეთოდებს, მათ შორის, ე.წ. ფიშინგს, რთული ალგორითმებით დაშიფრულ მავნე კოდებს და მათი მართვის პანელებს, ასევე, დაშიფრულ ქსელურ არხებს და უცხოურ ე.წ. ჰოსტინგ-კომპანიებში არსებულ ინფრასტრუქტურებს.

აღნიშნული ინციდენტები ერთმნიშვნელოვნად მეტყველებს ქვეყანაში ინფორმაციული და კიბერუსაფრთხოების სისტემის რეფორმირების აუცილებლობაზე, რაც უნდა გამოიხატოს როგორც ახალ გამოწვევებს მორგებულ საკანონმდებლო რეგულაციების მიღებაში, ასევე, კიბერუსაფრთხოების სფეროში ჩართული შესაბამისი უწყებების შესაძლებლობების ამაღლებაში.

აქვე უნდა აღინიშნოს, რომ სახელმწიფო უსაფრთხოების სამსახურს, მოქმედი კანონმდებლობის ფარგლებში, არ გააჩნია მკაფიოდ განსაზღვრული უფლებამოსილებები და ვალდებულებები ინფორმაციული და კიბერსივრცის უსაფრთხოების უზრუნველყოფის სფეროში. შესაბამისად, კიბერუსაფრთხოების სისტემის რეფორმირება უნდა დაეფუძნოს საუკეთესო საერთაშორისო პრაქტიკას და საკანონმდებლო დონეზე მოხდეს სფეროზე პასუხისმგებელი სახელმწიფო უწყებების ფუნქცია-მოვალეობების მკაფიო რეგლამენტირება.

აღნიშნული თვალსაზრისით, მნიშვნელოვანია საქართველოს პარლამენტის თავდაცვისა და უშიშროების კომიტეტის მიერ „ინფორმაციული უსაფრთხოების შესახებ საქართველოს კანონში ცვლილების შეტანის თაობაზე“ საკანონმდებლო ცვლილებების პროცესის ინიცირება. ამჟამად კანონპროექტი განიხილება პარლამენტში.

აღნიშნული საკანონმდებლო ცვლილებების პაკეტის მიღება უზრუნველყოფს ამ სფეროში აუცილებელი რეფორმების დროულად განხორციელებას და ქვეყნის კიბერუსაფრთხოების სისტემის მდგრადობის ამაღლებას“, - ნათქვამია სუს-ის ანგარიშში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს