გია ვოლსკი პრეზიდენტის განცხადებაზე - რაც თქვა, გულწრფელად თქვა, არ არის ჩვენ შორის ისეთი უნისონი, რომ ასეთ საკითხებზე გვქონდეს კონსულტაციები

ზურაბიშვილმა რაც თქვა, გულწრფელად თქვა - არ არის ჩვენ შორის ისეთი უნისონი, რომ ამ საკითხებზე გვქონდეს კონსულტაციები,- ასე პასუხობს პარლამენტის პირველი ვიცე- სპიკერი გია ვოლსკი ჟურნალისტების კითხვას, ხომ არ დაუპირისპირდა პრეზიდენტი "ქართულ ოცნებას", როცა თქვა, რომ გაკვირვებულია იმით, რომ მმართველი გუნდი მისი ნებართვის გარეშე აკავშირებს მის სახელს კონკრეტულ შეწყალებასთან.

ვოლსკის თქმით, ასეთი პრინციპული საკითხის გადაწყვეტა, პრეზიდენტის დისკრეციაა და ის ალბათ, საზოგადოების საუკეთესო ინტერესებიდან გამომდინარე იღებს გადაწყვეტილებას. ამასთან, მისთვის გაუგებარია ოპოზიციის განცხადებები "პოლიტიკურ ვაჭრობაზე", მაშინ როცა რურუას საკითხს თავად აყენებენ.

"მძევლად აიყვანეს საქართველო, დააჭერინეს მელია და რურუას თემა დააყენეს, როცა ზუსტად იციან, რომ არავითარი კავშირი მას პილიტიკასთან არ აქვს და როცა მიიღეს ასეთი პასუხი, ერთადერთი გზა დარჩათ - თქვან, რომ ეს პოლიტიკური ვაჭრობაა. რას ნიშნავს "პოლიტიკური ვაჭრობაა"? თვითონ აყენებენ ამ საკითხებს. ამასთან დაკავშირებით ყველანაირი განცხადება არის სპეკულაცია. ისეთ მდგომარეობაში აღმოჩნდნენ, როცა გამართლება აღარ აქვს, რასაც აკეთებენ.

ერთადერთი ვიცნობ რა, სალომე ზურაბიშვილს, დარწმუნებული ვარ საზოგადოების საუკეთესო ინტერესებიდან გამომდინარე თვლის, რომ ასეა საჭირო, რათა დაძაბულობა ერთხელ და სამუდამოდ მოიხსნას. რაც თქვა (ზურაბიშვილმა) გულწრფელად თქვა, არ არის ჩვენ შორის ისეთი უნისონი, რომ ამ საკითხებზე გვქონდეს კონსულტაციები. ასეთი პრინციპული საკითხის გადაწყვეტა რასაკვირველია პრეზიდენტის დისკრეციაა", - განაცხადა ვოლსკიმ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები