ჯერ ნიკა მელია, დანარჩენი შემდეგ - ეს არის თეზისი, რაც ამ მომენტისათვის პარტიის პოლიტიკურმა საბჭომ ჩამოაყალიბა, - ამის შესახებ პარტია “ნაციონალური მოძრაობის“ წევრმა რომან გოცირიძემ ჟურნალისტებს განაცხადა.

გოცირიძის თქმით, შარლ მიშელის ინიციატივით გამოქვეყნებული დოკუმენტი არ არის უნაკლო, მის გარშემო პარტიაში არის აზრთასხვადასხვაობა და მსჯელობა გაგრძელდება. აქვე გოცირიძემ ხაზგასმით აღნიშნა, რომ ვიდრე ნიკა მელია ციხიდან არ გამოვა, პარტიისთვის დანარჩენ საკითხებზე საუბარი ძნელია.

“პარტიის პილიტსაბჭოში ასზე მეტი ადამიანია და ბუნებრივია, ერთი აზრი არ იქნება. ყველაფერი გაირკვევა მალე. მთავარია, რომ ნიკა მელია უნდა იყოს გარეთ და ის მოლაპარაკების პროცესში მძევლის როლში არ უნდა იყოს“, - განაცხადა რომან გოცირიძემ.