ამ შეთანხმებას ვაწერ ხელს იმიტომ, რომ 31 ოქტომბერს ქართველი ამომრჩევლების მიერ გაკეთებული არჩევანი ბოლომდე აისახოს საქართველოს პარლამენტში , - ამის შესახებ უმრავლესობის დეპუტატმა შალვა პაპუაშვილმა პრეზიდენტის სასახლეში, დოკუმენტზე "საქართველოს წინსვლის გზა" ხელმოწერის შემდეგ განაცხადა.
„მადლობა მასპინძლობისთვის ქალბატონო პრეზიდენტო, მადლობა პრეზიდენტ მიშელს და მადლობა ელჩებს იმ გაწეული შრომისთვის, რომელსაც ამდენი ხნის განმავლობაში დაუღალავად ეწეოდით.
პირადად მე ამ შეთანხმებას ვაწერ ხელს იმიტომ, რომ 31 ოქტომბერს ქართველი ამომრჩევლების მიერ გაკეთებული არჩევანი ბოლომდე აისახოს საქართველოს პარლამენტში. ყველა ჩვენი ამომრჩეველი იყოს წარმომადგენელი ამ პარლამენტში, ვინაიდან, დღევანდელ რთულ ვითარებაში, როდესაც გარეთ პანდემიაა, მხოლოდ თანხმობით და მხოლოდ პარტიებს შორის თანხმობით შეიძლება ასეთი სიძნელეების დაძლევა“, - განაცხადა პაპუაშვილმა.