პარტიები, რომლებიც არ უერთდებიან შეთანხმებას, ეწინააღმდეგებიან კონსტიტუციას, - ამის შესახებ უშიშროების საბჭოს მდივნის ყოფილი მოადგილე, ლევან ბოძაშვილი აცხადებს.
ამავე დროს, ბოძაშვილის თქმით, ასეთი პარტიები კარგავენ ლეგიტიმაციას, ნდობას ქვეყნის შიგნით და გარეთ და აგრძელებენ დესტრუქციული, რევოლუციური და პოლარიზაციის გზით სიარულს და ამით მხოლოდ თავად დაზარალდებიან.
„თქვენ იცით, რომ საქართველოს კონსტიტუცია იძლევა კონსტიტუციურ დავალებას ევროკავშირსა და ნატო-ში სრული გაწევრიანებისათვის მიღებულ იქნას "ყველა ზომა". შესაბამისად, პოლიტიკური პარტიები, რომლებიც ვიწროპარტიული დღის წესრიგის გამო არ უერთდებიან შარლ მიშელის შეთანხმების დოკუმენტს და ამ ნაბიჯით არ სურთ საარჩევნო და საპარლამენტო დემოკრატიის გაძლიერება, მართლმსაჯულების რეფორმა და საჭირო კონსტიტუციის ცვლილებეში მონაწილეობა, ეწინააღმდეგებიან კონსოტუციის მოთხოვნას. ამავე დროს, ისინი კარგავენ ლეგიტიმაციას, ნდობას ქვეყნის შიგნით და გარეთ და აგრძლებენ დესტრუქციული, რევოლუციური და პოლარიზაციის გზით სიარულს. ამით მხოლოდ თავად დაზარალდებიან საბოლოოდ. ამ მიდგომით კარგად ჩანს თუ რეალურად რა არის მათთვის პრიორიტეტი და არა სახელმწიფო ინტერესები. ეს სხვა არაფერია თუ არა რუსული ინტერესების ხელშეწყობა და ეს ნათლად დაფიქსირდა ევროკავშირისა და ამერიკის ოფიციალურ პოზიციებში არაერთხელ,“- განაცხადა ლევან ბოძაშვილმა.