„ევროპული საქართველო“ კვლავაც თანმიმდევრული და პრინციპული რჩება თავის მოთხოვნებში, - ამის შესახებ „ევროპული საქართველოს“ რეგიონალურმა მდივანმა, ლაშა დამენიამ განაცხადა.
როგორც ის განმარტავს, „ევროპული საქართველო“ 15 მაისს ოპოზიციის მიერ დაანონსებული აქციის მომზადებაშია ჩართული.
„ევროპული საქართველო“ კვლავაც თანმიმდევრული და პრინციპული რჩება თავის მოთხოვნებში, რაც არის ვადამდელი საპარლამენტო არჩევნები და პოლიტპატიმრების გათავისუფლება.
პრინციპულად არ ვეთანხმებით ვადამდელი საპარლამენტო არჩევნების ჩანიშვნას თვითმმართველობის არჩევნების შედეგებიდან გამომდინარე, ვინაიდან ფუნდამენტურად განსხვავდება ეს ორი არჩევნები, თვისობრივი სხვაობაა მათ შორის.
„ევროპული საქართველო“ კვლავაც განაგრძობს მოსახლეობასთან, ამომრჩევლებთან შეხვედრას, ჩვენ მთლიანად ვართ ჩართული იმ საპროტესტო აქციის მომზადებაში, რასაც 15 მაისის აქცია ჰქვია, სადაც ქართველი ხალხი თავის სათქმელს იტყვის. ასევე, გავაგრძელებთ მსოფლიო თანამეგობრობასთან მუშაობას, ვინაიდან მიღწეული იქნას საბოლოო ჯამში, ის აუცილებელი ვადამდელი საპარლამენტო არჩევნები, რომელიც არის ერთადერთი გამოსავალი ამ ღრმა პოლიტიკური და ეკონომიკური კრიზისიდან“,-აცხადებს დამენია.