მიხეილ სააკაშვილი - შემოდგომაზე რეფერენდუმი იქნება, რომელიც ადგილობრივი არჩევნების პარალელურად უნდა მოვიგოთ - მეც  წინასწარ ჩამოვალ საქართველოში და პროცესის უშუალო მონაწილე ვიქნები

შემოდგომაზე რეფერენდუმი იქნება, რომელიც ადგილობრივი არჩევნების პარალელურად უნდა მოვიგოთ - ამ რეფერენდუმის წინ წინასწარ ჩამოვალ საქართველოში, - ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში გავრცელებულ ვიდეომიმართვაში აცხადებს.

მისივე თქმით, მიუხედავად იმისა, რომ "ნაციონალურ მოძრაობას" არჩევნები მოპარულად მიაჩნია, პარლამენტში უნდა შევიდეს.

„შემოდგომაზე რეფერენდუმი იქნება, რომელიც ადგილობრივი არჩევნების პარალელურად უნდა მოვიგოთ. ჩვენ იმ პარლამენტში უნდა შევიდეთ, რომელიც მოპარულად მიგვაჩნია და ეს ინსტრუმენტიც უნდა გამოვიყენოთ. ჩვენ ასევე, დემოკრატიის ფარგლებში ყველა სხვა ბრძოლის ფორმა უნდა გამოვიყენოთ.

მეც, მიხეილ სააკაშვილიც ამ რეფერენდუმის წინ, წინასწარ ჩამოვალ საქართველოში, წინასწარ ვიქნები თქვენთან ერთად! რა რისკის ფასადაც არ უნდა იყოს ეს ჩემთვის, ამ პროცესის უშუალო მონაწილე ვიქნები. ყველას ერთიანობისკენ მოგიწოდებთ“, - განაცხადა სააკაშვილმა.

იხილეთ ვიდეო:

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა