ოპოზიციონერი დეპუტატები დღეს პარლამენტში მივლენ - შარლ მიშელთან პარტიების წარმომადგენლების შეხვედრა სწორედ საკანონმდებლო ორგანოში გაიმართება

ევროპული საბჭოს პრეზიდენტის, შარლ მიშელისა და პოლიტიკური პარტიების წარმომადგენლების შეხვედრა დღეს, საქართველოს პარლამენტში გაიმართება. ამის შესახებ პრეზიდენტის საქართველოში ვიზიტის პროგრამაშია აღნიშნული. შესაბამისად, დეპუტატები, რომლებიც პარლამენტს ბოლო თვეების განმავლობაში ბოიკოტს უცხადებდნენ, თუმცა გუშინ მედიატორ შარლ მიშელის შეთანხმების დოკუმენტს შეუერთდნენ, დღეს პარლამენტში მივლენ.

რამდენიმე წუთის წინ საკანონმდებლო ორგანოში უკვე მივიდა „სტრატეგია აღმაშენებლის“ წარმომადგენელი პაატა მანჯგალაძე, ასევე „გირჩის“ ლიდერები.

რაც შეეხება მიშელის ვიზიტის პროგრამას, ევროპული საბჭოს პრეზიდენტი თბილისში 15:00 საათზე ჩამოვა. პარტიების წარმომადგენლებთან შეხვედრის გარდა, ის შეხვედრას გამართავს საქართველოს პრეზიდენტ სალომე ზურაბიშვილთან, რომლის დასრულების შემდეგაც მხარეები ორმხრივ განცხადებას გააკეთებენ.

დაგეგმილია პირისპირ შეხვედრა საქართველოს მთავრობის მეთაურთან ირაკლი ღარიბაშვილთანაც.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია