თბილისის მერის კახა კალაძის განცხადებით, იქიდან გამომდინარე, რომ თვითმმართველობის არჩევნები შემოდგომაზეა დაგეგმილი, ნაადრევია საუბარი იმაზე, თუ ვინ იქნებიან მერობის კანდიდატები მმართველი გუნდიდან.

"ჯერ ადრეა საუბარი იმაზე, თუ ვინ უნდა იყვნენ მერობის კანდიდატები მთელი ქვეყნის მასშტაბით. როდესაც ამის დრო მოვა, პირობას გაძლევთ, პირველი გაიგებთ ჩემგან და პარტიის თავმჯდომარისგან, თუ ვინ იქნებიან ჩვენი მერობის კანდიდატები, ასევე საკრებულოების მიმართულებით, ქვეყნის მასშტაბით. არჩევნები არის შემოდგომაზე, კანდიდატების წარდგენა კი ხდება 1-1.5 თვით ადრე. ჯერ თავს შევიკავებდი ამაზე საუბრისგან, ჯერ არც ოპოზიცია საუბრობს ამაზე", - განაცხადა კახა კალაძემ.