ვახტანგ მეგრელიშვილი - სინამდვილეში მინდა, რომ სააკაშვილი ჩამოვიდეს - ჩამოვიდეს ისე, რომ ეს არ იყოს პროვოკაციული

მიხეილ საკაშვილი თუ ამბობს, რომ ჩამოდის, საერთოდ არ ნიშნავს, რომ ჩამოდის. სინამდვილეში მინდა, რომ ჩამოვიდეს. ჩამოვიდეს ისე, რომ ეს არ იყოს პროვოკაციული ჩამოსვლა, - ამის შესახებ „გირჩის" წევრმა ვახტანგ მეგრელიშვილმა მესამე პრეზიდენტის მიხეილ საკააშვილის განცხადებასთან დაკავშირებით განუცხადა.

მისივე თქმით, ახლა მიხეილ სააკაშვილის ჩამოსვლა იქნება პროვოკაციული და მას დაიჭერენ.

„ჩვენი საზოგადოება მომზადებული უნდა იყოს მესამე პრეზიდენტის დაბრუნებისთვის და ამან არ იქონიოს გავლენა პოლიტიკურ გარემოზე. ახლა, მგონი ძალიან პროვოკაციული იქნება მისი ჩამოსვლა და სავარაუდოდ, ციხეში დაიჭერენ. ამიტომ, არ უნდა ჩამოვიდეს. როცა ჩვენი საზოგადოება დალაგდება და სისხლის სამართლის საქმეები არ ეკიდება სხვადასხვა ადამიანის კისერზე, მაშინ შეეძლება ჩამოვიდეს. მე მგონია, რომ ჩვენთვის შერიგების სტანდარტი უნდა გადიოდეს იმაზე, შეგვიძლია თუ არა მიხეილ სააკაშვილი დაბრუნდეს ამ ქვეყანაში. მესმის, რომ დღეს არ ვართ მზად, დღეს პირიქით ისეთ სიტუაციაში ვართ, რომ ეს შეიძლება პროვოკაციულ ნაბიჯად იქნას აღქმული.

როგორც საზოგადოება თუ ვრიგდებით, მართლა წარმოუდგენელია, რომ რაღაც დროის განმავლობაში მაინც არ დავივიწყოთ რაღაცები და ადამიანებს ნორმალური ცხოვრების საშუალება არ მივცეთ. თუ ასეთია ჩვენი მესამე პრეზიდენტი, ჩემი აზრით, უნდა ვგრძნობდეთ, რომ იმდენად სტაბილური საზოგადოება ვართ, რომ პროვოკაცია ამ საზოგადოებას რისკს აღარ უქმნის და შეუძლებელია ამ საზოგადოებაში დამკვიდრებული წესრიგი შეარყიოს. დღეს პრობლემა იმიტომ გვაქვს, რომ ადამიანების გვეშინია, ანუ ადამიანები არსებობენ ისეთები, რომლის გამოც შეგვიძლია ომი ვაწარმოოთ ერთმანეთთან, წლების განმავლობაში. ვფიქრობ, ის შეთანხმება, რომელიც იდება, შერიგების პროცესის დასაწყისია. იმედი მინდა ვიქონიო, რომ ასეა“, - განაცხადა მეგრელიშვილმა.

ცნობისთვის, მიხეილ სააკაშვილის განცხადებით, ის საქართველოში ჩამოსვლას შემოდგომამდე გეგმავს.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“