თეონა აქუბარდია - ახლა მთავარი ამოცანაა, რომ „ქართული ოცნება“ ვაიძულოთ, რასაც ხელი მოაწერა, ყველაფერი განახორციელოს - ეს მარტივი პროცესი ნამდვილად არ იქნება

ახლა მთავარი ამოცანაა, რომ „ქართული ოცნება“ ვაიძულოთ, რასაც ხელი მოაწერა, ყველაფერი განახორციელოს, ეს მარტივი პროცესი ნამდვილად არ იქნება, - ამის შესახებ „სტრატეგია აღმაშენებლის“ წევრმა, დეპუტატმა თეონა აქუბარდიამ ტელეკომპანია „პალიტრანიუსის“ გადაცემა „დღის ნიუსრუმში“ განაცხადა.

მისივე თქმით, ამ ეტაპზე ყველაზე მნიშვნელოვანია, რომ დოკუმენტში არსებული პუნქტების საკანონმდებლო დონეზე განხორციელება მოხდეს.

„შარლ მიშელს შეთანხმება რომ შედგა, დიდი დამსახურება აქვს. ახლა მნიშვნელოვანია ამ შეთანხმების განხორციელება დაიწყოს. ეს მარტივი პროცესი ნამდვილად არ იქნება, თუმცა ჩვენ ყველაფერი უნდა გავაკეთოთ, რომ დოკუმენტში არსებული ყველა პუნქტის საკანონმდებლო დონეზე განხორციელება მოხდეს.

შეთანხმებით, რომელიც გუშინ შედგა, მიუხედავად განსხვავებული შეფასებებისა, მიუხედავად იმისა, რომ კმაყოფილი არც ერთი მხარე არაა, საბოლოო ჯამში, არა რომელიმე პარტიამ, არამედ საქართველომ გაიმარჯვა. შესაბამისად, ახლა მთავარი ამოცანაა, რომ „ქართულმა ოცნებამ“ რასაც ოპოზიციასთან ერთად ხელი მოაწერა, ვაიძულოთ, ყველაფერი განახორციელოს“, - განაცხადა „სტრატეგია აღმაშენებლის“ ერთ-ერთმა წევრმა.

აქუბარდია ასევე მიხეილ სააკაშვილის განცხადებას გამოეხმაურა და აღნიშნა, რომ მესამე პრეზიდენტის მიერ საქართველოში ჩამოსვლის ანონსი საზოგადოებას უკვე ნანახი აქვს.

მიხეილ სააკაშვილის ასეთი ტიპის განცხადებები გვაქვს ჩვენ უკვე ნანახი. დღეს ჩვენ მიხეილ სააკაშვილის განცხადებაც ვნახეთ, თუმცა გუშინ აბსოლუტურად განსხვავებული განცხადებები იყო... რა თქმა უნდა, ეს იდეალური დოკუმენტი არ არის, მაგრამ ეს იმ ტიპის შეთანხმებაა, რომელიც ხალხს სჭირდება და რომელსაც ჩვენი პარტნიორები ითხოვდნენ, - განაცხადა აქუბარდიამ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა