ირაკლი ღარიბაშვილი - ჩვენი მოსახლეობის 80% მხარს უჭერს საქართველოს ევროატლანტიკურ ინტეგრაციას, რუსეთისთვის შეიძლება ეს არ იყოს სასურველი სცენარი, მაგრამ ეს არის არჩევანი, რომელიც შეუქცევადია

ჩვენი მისწრაფება გავხდეთ ევროკავშირის წევრი, არცერთი სახელმწიფოს, მათ შორის, არც რუსეთის წინააღმდეგ არ არის მიმართული , - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტის დასმულ კითხვაზე განაცხადა, რომელიც საქართველოს ევროკავშირის წევრობისთვის განაცხადს და ამ პროცესთან დაკავშირებით კრემლის განცხადებებს შეეხებოდა.

როგორც ღარიბაშვილმა ევროპული საბჭოს პრეზიდენტ შარლ მიშელთან შეხვედრის შემდეგ ერთობლივ პრესკონფერენციაზე აღნიშნა, „რუსეთისთვის შეიძლება ეს არ იყოს სასურველი სცენარი, მაგრამ ეს არის არჩევანი, რომელიც არის შეუქცევადი“.

„ჩვენი ევროინტეგრაციის არჩევანი ეს არის არამხოლოდ ერთი კონკრეტული მთავრობის ან პოლიტიკური გუნდის არჩევანი, არამედ ეს არის ჩვენი ქართველი ხალხის არჩევანი. ჩვენი მოსახლეობის 80% მხარს უჭერს საქართველოს ევროატლანტიკურ ინტეგრაციას. მე მესმის, რომ რუსეთისთვის შეიძლება ეს არ იყოს სასურველი სცენარი, მაგრამ ეს არის არჩევანი, რომელიც არის შეუქცევადი. ჩვენ ეს შეუქცევადი პროცესი გავხადეთ ჩვენს მიერ 2014 წელს ასოცირების ხელშეკრულების ხელმოწერით, ასევე, თავისუფალი ვაჭრობის ხელმოწერით, აქედან გამომდინარე მე ვფიქრობ, რომ ეს კითხვა არის ამოწურული. შესაბამისად, ჩვენი მისწრაფება გავხდეთ ევროკავშირის წევრი, არც ერთი სახელმწიფოს, მათ შორის, არც რუსეთის წინააღმდეგ არ არის მიმართული“ , - განაცხადა ღარიბაშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა